كوثر النيرب
الحوار المتمدن-العدد: 3527 - 2011 / 10 / 26 - 00:04
المحور:
الادب والفن
الأسرى المحررين شعر كوثر النيرب
فرح الوطن
شموس نارت غزة وسماها
نسيت السما صواريخ العدا
وبلاها
وهب نسيم وشذا ورود
ونسي هوا غزة الفسفور
وأيامه السود
وفي ليل العتمة
وانقطاع النور
هلوا قناديل زيتهم
لا يفنى ولا يزول
والبحر غنى وعلا
وفجأة نسي الحصار
وذلا
حتى المريض بفراشه
هب لا المرض منعه
ولا حاشه
يلاقي نجوم من
كل شكل ولون
والدموع تتلاقا بالعيون
من رفح لبيت حانون
عرس والجميع اهله
فرح الوطن جبله
مع سهله
فعل الله كن فيكون
وبعد الله كان القسم
ما يهون
الي صمد والي صبر
ع ليل السجون
وغيرت المقاومة
الحال
وتبدل حزن الموال
وتبدل خريف لبلاد
ربيع اخضر وأعياد
في كل مكان تشوف
فرحة بالوطن تطوف
عقبال النسور الي
بتستنى والفرج من
الله بتتمنى
لابد ماييجي اليوم
مافي عتمة ع طول بتدوم
ولاعمره ليل بيضلوا ليل
الا ماييجي ضي ونهاره
دليل
يرسم خطا بكرة ويغير
المواوييل
#كوثر_النيرب (هاشتاغ)
كيف تدعم-ين الحوار المتمدن واليسار والعلمانية
على الانترنت؟