زحل وشجرة الخير والشر

احمد طاهر

الحوار المتمدن-العدد: 2913 - 2010 / 2 / 10 - 16:12
المحور: العلمانية، الدين السياسي ونقد الفكر الديني
    

في يوم من ايام كوكب زحل كان الملك سوسو ملك الكوكب يتنزه في الحدائق معه بعض حاشيته اللذين كانو يملكون كل ما في الكوكب علاوة علي انهم يعيشون الي الابد ويعرفون الخير من الشر فيما كان معرفة الخير والشر ممنوع علي العبيد في كوكب زحل وبينما هو يجلس بجوار شجرة كبيرة جاءه احد اتباعه يبلغه بان العبد دودي اكل من شجرة الخير والشر وعلي الفور انطلق الملك ليبحث عن هذا العبد الابق

الملك :انت فين يا دودي

دودي:انا هنا يا باشا

الملك :تعالي هنا يله ليه كلت من شجرة الخير والشر .انا مش قولتلك متاكلش منها علشان لو كلت منها هتموت

دودي:ياباشا انا كنت جعان وبعدين مكنتش اعرف ان الاكل منها شر بس انا عرفت ان الي عملته شر بعد ما كلت منها

الملك:انت هتستعبط يا روح امك....

دودي مقاطعا:ياباشا انا معنديش ام انت نسيت ولا ايه .سياتك الي ليك ام

الملك :انت هتجيب سيرة امي يا ابن.....(صحيح دا ملهوش ام ولا اب وبعدين بقا)

دودي:ياباشا مش قصدي بس انت عارف ان حوحو هي الي وزتني

الملك:حوحو مين يله

دودي :مراتي يا باشا هو سياتك مش المفروض بتعرف كل حاجة

الملك: في ايه يا روح مراتك انت هتتلامض ولا ايه وبعدين مش عيب لما ترمي الموضوع علي مراتك

حوحو مقاطعة: لا يا باشا انا الي قولتلو تعال ناكل من الشجرة علشان كنا جعانين بس يا باشا مكنتش اعرف انها شجرة الخير والشر اصل شوشو هو الي
قالي عليها

الملك :كمان بتسمعو كلام شوشو

شوشو:وانا مالي هو حد قالكم تسمعو كلامي وبعدين ما انا قولتلكم تاكلو من شجرة الحياة ومسمعتوش كلامي كان زمانكم دلوقتي عايشيين براحتكم ومحدش يقدر يتكلم معاكم

الملك:خلاص انت وهو وانت يله يا دودي خد مراتك يلا وانزل الارض

دودي :يعني سياتك مش هتموتني

الملك:لا هبعتك للارض

دودي:يعني سياتك هتموتني وتدفني في الارض

الملك:لاء يا بني ادم هتموت موت معنوي علشان انت هتسيب زحل وتنزل الارض وهتنفصل عني

دودي بصوت منخفض:يا سلام علي الموت يا ريت الموت كله كده

الملك :بتقول ايه يله

دودي:مبقولشي يا باشا بس بما ان سياتك هتموتني معنوي طيب ما تسامحني المرة دي بالذات ان ده اول ذنب لي

الملك: انت بتهرج ولا ايه انت فاكر ان ذنبك ده شوية دا انا لسه هنزل وراك الارض واتعلق علي الصليب

دودي:ياباشا وانت ذنبك ايه بس تتعلق علي الصليب وتتصلب وبعدين انت مش قولت ان الي بيتعلق علي الصليب ملعون

الملك:وانت ايه دخلك يا بارد مش كفاية الذنب الي عملته

دودي :يا باشا براحتك ولو عايزني اضرب معاهم انا في الخدمه

الملك:تضرب مين يا روح مراتك وبعدين انا مش هنزل دلوقتي هنزل بعدك

دودي:وليه هتتاخر يا باشا ما خير الصلب عاجله

الملك :علشان انا هبقا من نسل داود

دودي: مين داود ده يا باشا

الملك:دا نبي من ذريتك

دودي:يعني سياتك هتبقا من ذريتي يعني عيل من عيالي

الملك:عيل ايه يا روح مراتك روح اجري جهز نفسك علشان تنزل للارض

دودي :اومرك يا باشا

شوشو:بس اشوفك متعلق علي الصليب وانا اظبطك

#احمد_طاهر (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل