تبرعاتكم وتبرعاتكن المالية تحفظ استقلال الحوار المتمدن، فشاركونا في دعم استمرارية هذا الفضاء اليساري الحر

إلى زكي مراد

هدى توفيق

الحوار المتمدن-العدد: 802 - 2004 / 4 / 12 - 10:24
المحور: الادب والفن

المكان نفس المكان
والوشوش نفس الوشوش
بس يا خساره الزمان
علـًى فى الناس الفشوش

ليه نتوه وسط الكلام
نتخنق جوه الحروف
لما تبقى الضلمه نور
والعفن هو الزهور
كيف يكون الابتسام
افتح الباب الحرام
وانطلق بركان عفي

قول وسجل يا زمان
فى الاذاعة وفى البيان
صورة بوستر مهرجان
كامــيرا ضوء لقفـــا الهمام

شفتو زعتر لما قال
نعمة واقفة فى الودان
فين تاريخك .. فين تاريخي
ياللي كان حلمك وليفي
ضحكتي وشمسي وريفي

لمــا يبقـــى فيـــه فصــــال
بين امريكــــا والى حكمنا بشحتة الالعـــوبان
يبقـــى نختـــار الوسيـــط البلطجـــــــى
ده الكــــلام ومفيـــش جـــــدال
زيتنا أفضـــــل فى الدقيق المغربى
لا يصـــــح الا المتـــــــــــــاح
و المعــــــارضة فــــى المبــــــــــــاح

**********************
فيـــن تاريخـــك يا زكي
يــا مــــــرادى ومطلبــــــــــى
ياللى صوتك كان حصــــــــان
فينــا يســـــري مـــــــع الادان
ياللى بينت الفواصل سيف حســـام
شــــــددوا حــــروف الكـــــــلام
لما يبقــــى الفجــــر هوالابتســـام
حـــــــددوا حـــــدود الخصــــــام
بيــــن مــــــرامـــــــي و مقتــــــــلي

فين تاريخك يا زكي
يا مرادي ومطلبي
يللى صوتك كان حصان
فينا يسرى مع الادان
يالى بينت الفواصل سيف حسام
شددوا حروف الكلام
لما يبقى فيه فصال
بين امريكا والى خاين والجبان
يبقى نختار المحال
يتولد مليون نبى

فين تاريخك يا زكي
يا مرادي ومطلبى
لما تبقى الضلمه نور
ابنوا للاحــــلام جسور
وارموا فى الارض الجدور
تطرح الاشجار زهور
يرتفع فــــرع الزتون
وطنى جوه فى العيون
هو دينى ومذهبى

هيه لحظه وهيه ساعه
للميوعه والنطاعه
او نطهرها جماعه
يبقى شدوا الحرف شد

فين تاريخك
فين تاريخي
ياللى حلمك كان رغيفي
بسمتي وضلي وعافيتي

المكان نفس المكان
والوشوش نفس الوشوش
بس يا خسارة الزمان
علـَى فى الناس الفاشوش
وحدى تايـــه بين وحوش
ببتسم لشارون وبوش
صنعتى ملمع وشوش
اه يا عقلى وآه يافكـــر
......................................

#هدى_توفيق (هاشتاغ)

ترجم الموضوع إلى لغات أخرى - Translate the topic into other languages

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن
في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل