(( فقدان الحنونة ))

علي طعمه الركابي

الحوار المتمدن-العدد: 2327 - 2008 / 6 / 29 - 07:03
المحور: الادب والفن
    

كلشي راح بعد أُمي *** او مابقت بس الجراح
جنتِ فرحه اواحله ورده **** اتركَص اطيور الصباح
اوصرتِ ذكره اوبقت حسره *** غافيه ابنص الجراح
جنتِ خيمه انلوذ بيهه امن السموم
اوصرتِ هيمه اوكثرت اعلينه الهموم
الندم ماينفع ييُّمه **** اوبعد ميفيد الصياح
ياحنان ايدج يأُمّي **** المابعد مثله حنان
جانت اتلاعب شعَرنه *** اونغفه بيديهه ابأمان
اوهسه وليه آنه ولاني *** اوصار يضربني الزمان
صرت بعدج طير تايه *** اومنّه مكسور الجناح

وسفه اخذهه البين منّي *** اوزادت احزاني او ونّي
ريت هذا الخبر لاجه **** اولا سمعت آنه عسنّي
اوريت اجاني الموت كَبلج *** اوريت اديج انتي ادفنني
اومنو بعدج يغنِّيلي *** دللول يالولد يبني
اتكَلّي هاي الناس انسه *** اشلون انسه آنه اللي راح

ياهضيمه اتروح يغله الناس منّي
وضل حاير والمصايب شيّبنّي
الحمل يايمّه ثكَيل *** الظلم والغربه اهلكنّي
والسفينه ابلا شراع *** يمّه تهلكهه الرياح
أدري ادري بالوصيه *** او كَبل ما تلفي المنيّه
جانت اعيونج عليَّ *** وحس كَلبي ابّين اديّه
***************** والله يايمّه آنه طاح

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل