زجل:كاس الغيوان

حميد عسيلة

الحوار المتمدن-العدد: 2158 - 2008 / 1 / 12 - 08:48
المحور: الادب والفن
    

كَاسْ الغَِيوَانْ تَاجْ
مْرْصْعْ الهَامَة
كِيفْ الكمْرَة وْهَّاجْ
فْ لِيلَة مْظلامَة
حْلاوَة تعْدلْ لمْزَاجْ
وْتزوْلْ لغْمَامَة
شْرَاعْ يْصَارْعْ لمْوَاجْ
بْرغبَة وْ فهَامَة
********
كاسْ الغِـــيوَانْ يْرْدْ الرُّوحْ
شْرْبُو مْنُّو نَاسْ مْـــلاحْ
زْهَى الخَاطرْ بْسرُّو يْـــبُوحْ
حْبِيبْ الخَاطرْ نُورُو لاحْ
غْردْ الطير بْقلبْ مْجْـــرُوحْ
فْ قعْرْ البِيرْ خَانُو لجْنَاحْ
كتَابْ الخَاطْرْ كتَابْ مْــفتُوحْ
يْقرَا حْرُوفُو كُلْ صْبـــَاحْ
********
الصْحْبَة وْالعْشرَة وْلافََة
خْلِيلْ الجْمَاعَة كاسْ الغِيوَانْ
الكلمَة حْجَّايَة وْخـْـــرَافََة
المْعنَى قصَيدَة مْنْ دِيـــوَانْ
لحْدِيث شوَارْ وْلطــَـــافَة
حْكمَة وْرزَانَة وْ سْـــــلوَانْ
القاصْدُو لازْمْ يْتعـَــــافَى
يْخْفْ حْملو،وْسْقامُو تهْوَانْ
********
القْلبْ ذَابْ مْنْ حْــــرْ لْهْوَى
شاعْــــــلَة فْ عْمَاقُو لمْشَاهْبْ
حْطّمُو لهْجْرَانْ،كثّرْ الشّكْوَى
مَا نْفعُو طبيبْ،مَا دَاوَاهْ طــــالْبْ
الوْرْد ْعْطاتْ ريحْتُو وْ ضْوَى
الذَّاتْ حْزِينَة وْلعْقلْ هـَـــــارْبْ
********
الضْمِيرْ الوْكادْ عَاكْسُو لعْنَادْ
فْ ضِيْ نْجُومْ اللِّيلْ لاقِي الرَّاحَة
وَاضْعْ سُؤالْ،شَاكِي دْ الحَالْ
بْ كلمَة جْلِيلَة وْضَّـــــاحَة
شَاعْل قنْدِيلْ يْصَارْعْ اللِّيلْ
الطّاعْنْ بْخنَاجْر لــْـــوَّاحَة
********
الذَّاتْ عْلِيلَة وْالحْلقْ صْـــــــدَّاحْ
عْرَايْسْ تْترَاقصْ بينْ نوَاوْرْ وْ رْبـــــيعْ
النّغمَة مْمْزُوجَة بْالرُّوحْ وْ الرَّاحْ
قصَايْدْ مْسْبُوكة وْ الــــــــمْوَّال بْدِيعْ
الكاسْ الشَّارْدْ مْنْ هَوْلُو صَـــاحْ
طالبْ النْدامة بْ لسـَـــانْ بُوجْمِــــيعْ
الكاسْ الصَّامْدْ نْعنَاعـُــو فَاحْ
وَاجْه لمْرَارَة وْمَا رْضَى يْبِيــــــــعْ
فْ الليلة المْعلومَة نْجْمُو طَاحْ
فرخْ نْجُوم ْنُورْهَا رْفِيـــــــــــعْ
عْلاتْ صْوَاتْ تْنَادِي:يَاصَاحْ
كِيفْ الطِّيرْ الحُرْ،هَكْذا يْضِيــــــــعْ؟

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل