كارلو جوليانى الى رانيا الحسينى
كل الكلام اللى قالوه عنك مثقفين ف حيز وسط المدينه حزمته بشريط احمر
اشمعنى الاحمر بالذات
استنى
كرافه بدات فى القرف من مزيلات العرق
ايد كمسارى بدات فىالملل
واحد بيسيب خطيبته
جنازه طالعه من نص ساعه لرب اسره
موظف مخبى ابنه اللى عنده سرطان من الاعلانات التلفزيونيه
معده جعان متاهبه لرفص عقارب الساعات
واللى حاصل دايما حاصل
كل بنت لها فتى احلام للاسف مش انا فتى احلام البنت اللى قلت لها بحبك
طيب هاكلمك تانى اصل صاحبتى ع الويتنج
طبعا مش صاحبتها
بدات اتخيلهم بيمارسوا الجنس
انا اللى حاسس لو لمست ايدها هتنزف كل الولاد اللى بيحبوها من خدودها وتحتفظ بولد
واحد يخصها
للاسف مش انت الولد ده ولا انا
فى الاوده التانيه امى خلصت دموعها اللى كانت محواشها عشان تبعها ف نص الشهر
ما انت مش حاسس بحاجه
واحد ثورى اقصد زيى
المفروض يرفض الاتهام ده بصوت عالى
فعلا
انا مشغول اليومين دول
بحاجات بتجرى بين تلفونين بعيد
عن الاوده اللى انا فيها
ع الاقل
نص شعرى