جار العمر

أحسان العيد

الحوار المتمدن-العدد: 1986 - 2007 / 7 / 24 - 09:08
المحور: الادب والفن
    

العراقي الذي أضطر الى مغادرة داره وجاره وكل ذكرياته لبلد آخر ..... لسان حاله يقول :-

( جار العمر )

ما جار الزمن عيب اللي بينه الجار
عفنه أقصورنه ونفتر على الأيجار
دوّرنه اسطوانه وﮔلنه تهده الروح
ثاري اشخوط بيهه وراسنه اللى اندار
يادار الغرب لومن ذهب بانيچ
والماز النقش لا ما أحسبچ دار
لن البيت مو بس بهرجه وبنيان
أصل البيت صوت اللي يجي امن الجار
......
ياجار العمر بالعِشره متونسين
وسنين اللي راحت دار يشبگ دار
يا كل العمر صدگني ما ناسيك
وبوجداني حافر لك حفر تذكار
لن من سافرت شلت الوطن وياي
وبكل لحظه أشوفه يعني چنك مار
..
چم دوله خدتني وسفر للمجهول
وأشواق اللي بيّه نار تشعل نار
داستني الخيول العميه نص الليل
رادت تمحي بيه كل أثر خطّار
وامطار الحزن يمطر سواد البيه
وانه الگلب رمله ومايطگ جمّار
رافگت الهموم ابحسرة الأحباب
مو أيد التواسي أعله الظهر منشار
وأخبار التجيني امن الوطن اخبار
ذاك اللي انقتل .. طاح الجسر وانهار
واخبار أشكثر مابيهه واحد سار
بس دمعة أمل محبوسه وسط الروح
من تسمع وطن بس للوطن تنثار
ياجار العمر خبرني يمته أنعود
وبيوت التلمنه مو شقق أيجار
0

0
0
0
ياجار العمر
وين
الگه
مثلك
جار


احسان العيد

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل