فيصل كاظم الخزاعي
الحوار المتمدن-العدد: 6554 - 2020 / 5 / 4 - 19:24
المحور:
الادب والفن
يا اجمل وكت ماينسة هيهات ويازاد وملح محفوظ بلساني
يابلبل صداقة بجنة الاحلام يانبع بصحاري العمر رواني
ياضحكة طفولة وللصداقة اسرار ياروح المعاني ونبض وجداني
يمسامر نكات وگعدت الخلان يا اجمل قصيدة بوتر الحاني
وعلة دفة كتابي دونت عنوان وبس گلب اليحب يفتهم عنواني
وعلسمك ردت اخلد الك اشعار وانغام السمر عنونت ديواني
شوگ وعاطفة ومن الگلب عبرات فاضن فاجعة وترجمن اشجاني
عهدي الك دوم الگلب ماينساك والشاهد بديك اليوم تقراني
انا طبعي الوفة شما جرت وياي واظل دومي مسامح لو جرت ثاني
اهو خلي واحبة وللعمر وياه وما اگدر اعيش بغير خلاني
النجف
#فيصل_كاظم_الخزاعي (هاشتاغ)
كيف تدعم-ين الحوار المتمدن واليسار والعلمانية
على الانترنت؟