طارق التريري
الحوار المتمدن-العدد: 6332 - 2019 / 8 / 26 - 18:01
المحور:
الادب والفن
عم ياعبد العساكر
ياللى في التطبيل تموت
مهما شُفت الدُنيا خربت
برضو عاشق ل التحوت
جاهز التبرير ودايماً
واللى ب يشخلل يفوت
في الحديد ويكون حبيبهُم
والخزين يملا البيوت
بس مايعمرش ابداً
والحرام مايدومش قوت
مهما تاكُل مش ح تشبع
غير خراب يملا البيوت
بعدها ب يفتى العساكر
انتا اسباب السقوط
والمشاكل منك انتا
ويبتدوا التفكير تموت
أى حُفره ف أي صحرا
وتندفن ولا أي صوت
ينعي واحد من عبيدهُم
خدامينهُم بالريموت
عاش يطبل عُمرو كُلو
وف النهايه الجايزه موت
موتوه هُما ب ايديهُم
غير خراب مالي البيوت
عم ياعبد العساكر
ياللي في التطبيل تموت
شيلوك البيعه وحدك
صرت اسباب السقوط
وما اتقاليتشي حسنه واحده
حتى لما شبعت موت
والجميع اتبروا منك
حتى عُباد الطاغوت
واللى كُنت الطبله ليهُم
والحلول انك تموت
#طارق_التريري (هاشتاغ)
كيف تدعم-ين الحوار المتمدن واليسار والعلمانية
على الانترنت؟