تجمع المستقلين المصريين- يد
الحوار المتمدن-العدد: 1496 - 2006 / 3 / 21 - 11:37
المحور:
حقوق الانسان
في الوقت الذي ستكرم فيه سوزان مبارك أمهات اشخاص محسوبين على هذا النظام بصورة أو أخرى و أمهات من فئات و طبقات بعينها فإننا سنكرم أمهات ضحايا سقطوا في عهد نفس النظام - شاركونا و تعالوا مع عوائلكم و احضروا هدايا رمزية لأمهات شهداء عهد مبارك، عيد أم موازي ، عيد أم شعبي.
يدعوكم تجمع المستقلين المصريين – يد
لحضور الحفل الوطني لتكريم أمهات ضحايا النظام و ذلك في مناسبة الاحتفال بعيد الأم يوم الثلاثاء 21مارس2006 الساعة 5 عصرا -ميدان طلعت حرب – سنكرم أمهات ضحايا قمع النظام و فساده:
أمهات شهداء العبارة المنكوبة - أمهات شهداء الانتخابات البرلمانية-– أمهات شهداء محرقة مسرح بني سويف- أمهات شهداء اللاجئين السودانيين - أمهات المعتقلين - و غيرهن
لا تبخل على أمهات الشهداء بوقتك و شاركنا بالحضور و تقديم و لو زهرة ، سنقول لكل أم فقدت ابنها بسبب النظام الفاسد أننا كلنا نتشرف أن نكون أبناؤكِ
وإحنا لما بنتشرف النهاردة بتكريم الأمهات دول فإحنا بنكرم في شخصهم كل أم مصرية ادت من عمرها و صحتها عشان تربي ابن ينفع عيلته و مجتمعه لكن سياسات النظام الحاكم و فساده حرمها حتى من شوفة ابنها بيشيل عنها ف الكبر... مات ف عبارة و لا حادثة إهمال، بنكرم كل أم و عيلة ضحية لسياسات النظام الفاشلة و استبداده .
بنكرم أمهات الملايين من الشباب العاطلين دون إرادتهم، ضحايا التخبط في السياسات الاقتصادية و عدم مراعاة البعد الاجتماعي و حقوق البسطا و الغلابة و المعدومين اللي الحكومة ساعات بتدلعهم و تسميهم محدودي الدخل، هو فين الدخل ؟؟ ده الغلاء سحب من الأسرة المصرية حتى حقها ف راحة البال و لمة سعيدة حوالين كوباية شاي – موش السكر برضه بقى ب 3 جنيه ؟ تعظيم سلام لك لأم بتدبر بميزانية محدودة مصاريف بيتها و أولادها.
بنكرم الأمهات المصريات من الريفيات الفقيرات اللي خدوا منهم بالزور و القوة قيراطين الأرض اللي بيزرعوهم من سنين لجل تكفيهم المذلة و سؤال اللئيم، و انعدمت أدامهم فرص الحياة الكريمة و الستر.
بنكرم الموظفة اللي ما بتقبلش تسكت على فساد رغم إن طريقه سهل دلوقتي و عيني عينك ف معظم الإدارات الحكومية ، لكنها تصر على الإنفاق من مرتب بسيط بس مال حلال.
بنكرم آلاف العاملات من ضحايا بيع القطاع العام و قفل المصانع اللي كانوا بيفنوا فيها زهرة شبابهم لجل 100 و لا 150 جنيه تساعد ع المعايش
بنكرم كل أم كان ابنها أو جوزها ضحية من ضحايا انتهاكات الحزب الحاكم و بلطجيته ...
بنكرم في شخص أمهاتنا النهاردة كل ناشطة من متظاهرات الحركات الوطنية المطالبة بالتغيير
بنكرم كل صحفية بتحط مصلحة وطنها قبل حسابات الفلوس و المكافآت و بتكتب كلمة حق .
بنكرم كل ناشطة مصرية في الشأن العام حاصروا آمالها في حياة أفضل للبلد بسبب الاستبداد السياسي و إقصاء المعارضين و الانتقام منهم و من عوائلهم
انضم لينا و شارك معانا في تكريم أم مصرية من ضحايا النظام
هات معاك هدية بسيطة بسيطة إن شاء الله كارت أو وردة أو أي حاجة كان ممكن تديها لوالدتك
عشان تدخل الفرحة على قلوب أمهات، منهم اللي قلبها محروق على ابن معتقل من أكتر من 15 سنة ، لا عارفة حي و لا ميت، بصحته و لا عتمة السجن و البهدلة خدت شبابه وعافيته، شارك تكريم الأمهات الحقيقيات اللي عانوا و ضحوا موش (بعض)الأمهات الملونين اللي بتكرمهم سوزان مبارك من فلوسنا، من الخزينة العامة للشعب، كرم أم مثالية حقيقية ، كرم أم ضحية، بيننا النهاردة أمهات منهم اللي أول مرة السنة دي موش ها تسمع من ابنها نور عينها كلمة كل سنة و انت طيبة يا أمي يا ست الحبايب
تعالى مع عيلتك و هات مامتك و حماتك،و إذا ما قدرتش تجيب هدية معاك للأمهات اللي ها ييجوا الحفلة، كفاية قوي مشاركتك و تمضية جزء من وقتك في يوم عيد الأم معانا. و الافضل ان تحضر معك هدية بسيطة حتى لو وردة و كارت ب60 قرش !!!!!!!
[email protected]
تفاصيل أكثر
http://forum.harakamasria.org/showthread.php?t=5245
Invitation
A Day to Honor the Mothers of Mubarak s Victims
The congregation of Independent Egyptians (Hand) invites you to attend the
national celebration of the mothers of regime s victims, on Mother s Day 21
March 2006, 5 pm, Talaat Harb Square, Downtown Cairo, where we will be paying
our respects to the mothers of the victims of the regime s suppression and
corruption:
Mothers of the sunken ferry; mothers of the election s martyrs; mothers of the
burned Bani Soweif theater, mothers of the Sudanese refugees; Mothers of
detainees, and more mothers.
Do not deny these mothers of martyrs a few hours of your time. Come,
participate, and give them something, even a flower. We will be asking the
mothers to give us the honor of accepting us as their children.
Bring your family, and your mother, or your mother-in-law. If you cannot bring
a present, your presence will be their gift. Spend sometime on Mother s Day
with us.
More details
http://forum.harakamasria.org/showthread.php?t=5245
#تجمع_المستقلين_المصريين-_يد (هاشتاغ)
كيف تدعم-ين الحوار المتمدن واليسار والعلمانية
على الانترنت؟
|
ارسل هذا الموضوع الى صديق
|
حفظ - ورد
|
بحث
|
إضافة إلى المفضلة
|
للاتصال بالكاتب-ة
اليوتيوب
لينكدإن
تيلكرام
تمبلر
بلوكر
الموبايل
