مروان سالم
الحوار المتمدن-العدد: 4521 - 2014 / 7 / 23 - 17:36
المحور:
الادب والفن
يا بلدنا انتى الكلام
و انتى السلام
و انتى الاوامر تسرى على كل الحكام
ما انتى جنان الله
فيكى الامان
لحظة شروق شمسها
يجرى منها كل الظلام
تجرح سيوفك كل عام
اى ظالم او جبان
الارض قالت اه
و انا قلبى منها انفطر
ارزقها يا الله
داوى جروحها بمطر
لاجل البلد تزرع
و الترعة تجرى بها
لاجل الشجر ما يزغرط
و البلبل يغنيلها
انتى الفلاح
انتى الكفاح
انتى المكن جوا المصانع
انتى فاطنة ع الترعة بتغسل
و انتى مِسعد لما يحلب عجلته
انتى فوق قمم الجبال
انتى بهية فى عيون العيال
قبل الرجال
دا انتى الامل
انتى بكرة اللى هييجى يكتمل
يا ام الغلابة يا امنا
فرحك دا بيلمنا
فمفيش مكان يضمنا
غير حضنها و حضننا
انتى الحنان
انتى الامان
انتى العزيزة يا امنا
احفظها يا ربنا
#مروان_سالم (هاشتاغ)
كيف تدعم-ين الحوار المتمدن واليسار والعلمانية
على الانترنت؟