الموت البطئ

شيرزاد همزاني

الحوار المتمدن-العدد: 4392 - 2014 / 3 / 13 - 21:47
المحور: الادب والفن
    

شگد مشتاگ لهول
أظن الشوگ
راح يموتني
شگد ما أبعد عن هول
بعدي عنها
منها يقربني
تظل الدمعة تنادي ياهول
والدمعة ما تفارگ عيني
هية وياي كل لحظة
وجوات روحي
هية اللي تسكني
ما كان الفراگ
غير غلطة عمر
وأدفع ثمن عالي
لغلطة سنيني
كل ألأصحاب كانوا
بيها ساكنين
وكانوا بكل ضيق
يواسوني
وهسة بها الغربة اللي طالت
ما تنطفي شمعة حنيني
أظل أفكر بهول
وشلون كان الفرح يلازمني
وشلون صرت وحدي
أعد أيامي
وأشوف ببلاش العمر يغادرني
الحبيبة راحت ويا التيار
ونار بعدها صار يحرگني
والغربة بعدها صارت غربتين
وبُعد ألأصدقاء صار يوجعني
وبُعد ألأهل ما له دوا
بلقياهم چان الزمن يمنيني
وصاروا حلم ما راح ألتقيه
عطشان بصحراء الغربة
ماكو نبع ماي يرويني
لو چنت أدري
هيچي الأيام تندار
چنت قتلت روحي من ألأول
مو كل شوية يموت
جزء مني

#شيرزاد_همزاني (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات