عبد صبري ابو ربيع
الحوار المتمدن-العدد: 4371 - 2014 / 2 / 20 - 12:30
المحور:
الادب والفن
منهو اليسمعك ؟
عبد صبري ابو ربيع
حجايه وبســـــوك الصفافير
يلـي تكتب وتسأل وتستشير
ألمن توجه سؤالك وكلامك ؟
للنايميــــــن عله السرير
وجيوبهم مليانه بالدنانير
منهو اليسمعك وانت الفقير
هو عله الكرسي جنه امير
وسؤالك صرخة
بسوگ الصفافير
من يسمع شكوتك وانت الفقير
وصوتك ضايع مثل
السراب بالهجيـــر
صيح يا وطن هذا
مو فعل القدير
هذا فعل انسان
خالي من الضمير
منهو اليسمع كلامك
وجنهم اهل الكبور
مو كالوا العدل
والانصاف دستور
وفرحت الوادم
وشبعت من السرور
وضاع الوعد والموعود منذور
هذي صرخه وبسوگ الصفافير
يلــــــي تكتب وتريد
أتسمعْ اهل القصور
عنــدك مشكله
مظلوم .. لو مغدور
روح دور عل اليسمعك
بسوگ الصفافير
برلمان وشايل على جتوفه
همـــــوم الفقير
شمـال ويطلب مليارات الدنانير
والوطن حايـــر بهمومه واسير
وفوكاه اليحارب من الزواغير
شحجيلك بعـــد والتريده يصير
ضاعت حجايات التكله
وطارت مثل العصافير
#عبد_صبري_ابو_ربيع (هاشتاغ)
كيف تدعم-ين الحوار المتمدن واليسار والعلمانية
على الانترنت؟