ابْهيدَه

ميسون نعيم الرومي

الحوار المتمدن-العدد: 4226 - 2013 / 9 / 25 - 14:46
المحور: الادب والفن
    

ابــْـهـيـــــدَه
مـيســون نعـيم الـرّومي

مر بالدرب ناداني ـ عصفور ِحلــْو ازغـيـْـرونْ
گـلـّـي الحلـُو متغاوي ـ گالـَـوْ علـيهْ الــْيـِحچــْـون
يـُغـمِـز دلـَـع وابضحكته ـ والكحله غطـّت لِـجـفون
والشفـّه لو ضحكت ! سحِـر ـ ليلو اوتِـنـَعثـَـر لـِـسنون
احّـاه بـِـشفـافـَـك شـَهـَــد ـ والـْشهـَـد منهـَـه ايجمعـُون
**************
ارمـوشْ سـودَه امـْكـَحـْلـّه ـ كـَهـْرَبْ اوتِـلـْمـَـعْ لِـعـْيـونْ
نـَظـْراتـَكْ اسـْهامْ اورمَتْ ـ قـوسْ الحـَواجـِبْ يـرمـونْ
والوجِـه چـَـن فـَـلعة گـْـمر ـ والگـمـَـر بالخـَـد مفـْـتــُون
والرَّصعـَـه ضـوّت بالحِـنِـچ ـ وابـْـمشيتـَـه ايـهـِز الـكون
والحِـنـَّـه منـْـقــوشَـه نقِـش ـ بـچفـُوف تـَـرفـَه ايحـَنـّـون
***********
خلخالْ مـَديـورْ الجـِدَم ـ (رَنـّـه) اوتـْگـودْ اليمشـونْ
ابـْهـيـدَه مـنْ تـِمْشـي ولكْ ـ عـِـذالْ بــيـكْ ايـْحسْـدونْ
والطـولْ ياطولْ الحـِلـُوْ ـ غـِصنْ اوتـِمايـَـلْ زَيـتـونْ
والشـَعـَرْ ياشـَعـرْ التـَرفْ ـ ليـَلْ انـْظـِفـَرْ بـِ ( اكــْلـَبـْدونْ) ـ
واتـْشـوفـَه هادلْ عَ الچـِتـِفْ ـ مـِنـَّه الحـَريـرْ ايـغـِزلونْ
************
العــِـطرْ فاح إمـنْ الزلـِفْ – قـِدّاحْ مِنـّه ايـلمـّـونْ
واللـونْ چـَنْ شـَمـسْ اوتـِشعْ ـ أَسـْمـَرْ حـِلـو يامزيونْ
بـالروحْ گـاعـِـدْ مـِنـْـتچي ـ بالگــَلبْ شـاعِـل چانـون ْ
والعـِشـگْ آخْ اشـْگــَدْ كــَلـِفْ ـ حاچي عـَليه المجنونْ
مـَعـْزوفـَه حـُبْ هـذا الوَكـِتْ ـ عـِزْفـَوْ اوبـيـه ايـغـَنـّونْ
**********
لوعاتْ والضيم اشكـثرْ ـ كتـبوْ عليه لِـيكـتبونْ
دَمْعاته تچوي بالجفن ـ نيران لِـهبـَـت لِـضْـنـونْ
شـِبـْه الضَبي صَدْ اونفرْ ـ اشلونْ الغـَزالْ ايصيدونْ
اتـخَـربـَصْ اويـاكْ الـغـَـزِل ْـ مـَتـْگـِلـّي تاليهَه اشلونْ؟ ـ
مـَرْ بـالدَربْ نـادانـي ـ عـَصفـورْ حِـلـْو ازغـَيـرونْ
************
25 / سبــْــتمـبـَـر
ستـوكـهـولـْـم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات