كاظم الجواد
الحوار المتمدن-العدد: 2947 - 2010 / 3 / 17 - 07:32
المحور:
الادب والفن
مظلوم الجواد
(( رادوا يرجعون الحكم للظلم ))
عادوا علينه ابنيَّه مو صافيه
چنهم عصابات القتل مافيه
**********
ردَّوا او مابيناتنه اتغلغلوْ
نيات سوده امنلسكُر ماصحو
شافو ادروس اهواي بس ماوعوْ
والشعب يعرف هلزمر طاغيه
**********
عَف الشعب عنهم عفو المقدره
يمكن تعود اتصحح اللي جره
شو للأصل رجعت خباثه اوخره
مرضى النفوس اعقولها الخاويه
*****************
عاودت تتربّص تريد الحكم
وتعيد ماضيها سفك دم جرم
مو هيجي تتصورونَّا يابگم
مو رحتوا بيد الشعب بلقاضيه
*******************************
گلنه اليريد ايعيش وسعه الارض
نحمي اونصون ابلادنه والعرض
شو للاجانب صرتو اجمل عرض
بعتوا الوطن ونفوسكم راضيه
*********
والله الشعب يجتثكم امن العِرگ
وتالي الغرور ايقودكم للحرگ
گعدوا استقرّوا كافي سم اونَهِگ
كافي تره اســـــــيوف الشعب ماضيه
*********************
#كاظم_الجواد (هاشتاغ)
كيف تدعم-ين الحوار المتمدن واليسار والعلمانية
على الانترنت؟