الحيزبون القرشانه

حيزبون و قرشانه
و عيونها دايماً نعسانه
لابسه ماسك البراءه
و التقوي و الصلاح
خلاص بانت حقيقتها
و انكشف سترها و غطاها
و هي بتخطط بكل شر
و عيون مليانه غل
و قلب مليان مر
و ضمير أسود حزين
شايبه و عايبه و كدابه
و منافقه و مبرارتيه و دحلابه
حسب الأحوال
حسب الوظيفه
و هي و شطارتها
تظهر حلاوتها
تظهر مرارتها
لو خفضوها ترتفع حرارتها
لو صعدوها تنقلب جيلاتي
مع إن العمر دار بيها
و خلاص مش باقي فيه بقيه
ده نفس طالع ما بيرجعش
يا حيزبون يا قرشانه
ربك مش غافل عنك
قادر يكسرك و يذلك
زي ما ذلك زمان
و خلي سيرتك علي كل لسان
إرجعي لربك و توبي
قبل فوات الأوان
و قبل ما تقولي
يا ريت اللي جري ما كان