مو معقوله ..!!

ستار جبار سيبان
Sattarsebban@gmail.com

2019 / 3 / 25

مو معقوله
مو معقوله ..
الليل بطوله
يناغي زلوفچ
ويزّف ..
بالظلمه الهلهلوله
ولا معقوله
تنسين الماضي وشوغاته
وتنسين الچلمات الاولى
مامعقوله
تتحول ضحكاتي دموع
وتصير .. آهاتي سوله
ولا معقوله
يتخورس سحر عيونچ
وينسى الصوت الچان يگوله
وغيوم الماضي .. ماتمطر
وريح الحب .. تظل مشلوله
مو معقوله !!
لا .. معقوله ..
إي معقوله ..
تريد تصدّگ .. لو متصدّگ
صوت الميتّ سكته
وصوت العايش هلهلوله
معقوله ...


———



https://www.ahewar.org/
الحوار المتمدن