لعب القصيدة خايب .. فتقيات زجلية

ــــ لعب القصيدة ..
ـــــــــــــــــــــــــــــــــــ فتقية زجلية 25


هزتني ريح لمحبة
وتهت ف سماك ..
ياجناحي ما من سبة
نفدفد ونرجع ليك ..


جابتني ف صلب النشبة
جرح معلق ف اسلاك ..
كيف نجرو من شطبة
هذ الجرح منك ليك ..


شحال ف عينيك من كذبة
والزين كذبك واتاك ..
ياك سيفقك على الرقبة
ها عمري وكتبتو ليك ..


كتبيه بريشة كصببة
هو عبدك ومولاك ..
صبري يا بنت الكلبة
ولابغي فيك شريك ..


تكتبيه ف خطوة عطبة
ويكتبك م لهلاك ..
وتهزيه بكصبة رهبة
ياحمقا يلعن والديك ..


تهجريه باش يتربى
وتقولي هاك سواك ..
يتمنى فيك الغلبة
ويطيح لباك سنيك ..


ياقصيدة بنت الكلبة
ياهبيلة شكون بلاك ..
ياقصيدة بديتي لعبة
تلعبي بي نلعب بيك ..


ــــ محمد نور الدين بن خديجة
2013 مراكش المغرب