مفهوم المواطنة واللا مواطنة عند بدو قريش

شرح معنى ومفهوم المواطنة: والمثال على ذلك
آسيوي مهاجر زعيماً لأعظم دولة أوروبية
وبصرف النظر، دائماً، عن الدين والعرق والجنس واللون والحزب والانتماء والولاء، والعشيرة والقبيلة...فيا قبائل وعشائر بدو قريش ويا جماعة البكالوريا أدبي وتاسع شحط وأنظمة الزراطة والترللي والهمالالي المستعربة هل عرفتم الآن معنى المواطنة ولماذا لن تساووا البشر بعمركم ولن تنتصروا على نملة وانتم مهزومون ليوم تبعثون(خرافة البعث)؟
أما معنى اللا مواطنة عند نفس الجماعة (معليش باللغة المحلية والمحكية)
معنى اللا المواطنة:
وهلق، يا غوالي، وبعد ما شرحنالكين شو معنى المواطنة عند الكفار المشركين والإمبرياليين، والعياذ بعشتار، صار لازم تتعرفوا على لامعنى المواطنة أو اللا مواطنة عند المؤمنين والبدو والمستعربين الجدد آخر طبعة تبع الرسالة الخالدة:
فمثلا لكي تتوظف بالدولة، كبواب وتشبع الخبز، وليس أنه يشطح مخك وتفكر تصير، مثلاً، كرئيس وزراء منتخب متل عند الكفار او محافظ أو مدير مؤسسة دسمة تدر عليك ملايين الدورات يوميا، والف لا سمح الله وفشرت بعينك فهاي كبيرة عليك وبعيدة عن بوزك، وباجوقك، أو يسلموك رئيس مفرزة بناحية بعيدة، فيجب ولازم تكون بعثياً وعضواً عاملاً في حزب قريش وعاملك شي عشر استمارات أمنية عند أبو حيدر بالفرع مفصفص فيها سلالتك من سابعتطش جد وجاية وشو الـDNA تبع ستو لجدك بو محمود المرحومة أم علوش المدفونة تحت هديك السنديانة الكبيرة بالزيارة ولازم تكتب فيها كمان شو اسم جاره لرفيق ابن خالتك بالصف الأول الابتدائي وشو عشيرة مرات ابن عمته للي كان راكب جنبك بميكرو القطيفة يوم رحت تسلم دفتر العلم بالنبك، وهيك بتصير مواطنا صالحا ويحسن دينك وايمانك وبيوظفوك بالمزرعة بصفة بواب بالكولبة عند شوفير ابن حماه للمعلم...وهذه يا طويلي العمر اسمها اللا مواطنة عند قريش وجماعة البكالوريا أدبي شحط وتاسع ناجح بالمساعدة ومرسوم العفو ومعه وثيقة مصدقة تالت ابتدائي راسب ويعيد...وهيك بقا يا سادة يا كرام تبنى الاوطان وبتعلى وتتعمر يا دار ومحمية براجك والعسكر داير مندار توقف ع بوابك...عرفتو كيف؟
إي وحق سيدكين الخضر هيك ميصير ومتل ما عم قلكين وأبزل عليكين بحرف ويحيد....