الحجارة الـﭽبيره من الجريب

ما يجري في العراق لا يحتاج إلى تحليل وتنقيب وتفتيش أو الذهاب إلى "أبو مراية" ومراجعة "فتاح الفال"، أو الاستئناس ب "أبو علي الشيباني" فالأمور واضحة ولا تحتاج الى الحدس والتخمين، فما يجري لا يخلو من تدخلات للقوى العالمية المهيمنة على مقدرات العالم، وما يحاك في دول الجوار من مؤامرات وصراعات ليس لنا فيها ناقة ولا جمل ولكننا اكتوينا بنارها وعرفت تلك الدول كيف تختار وتحسن الاختيار، ونقلت صراعاتها على النفوذ والسيطرة وتمرير المخططات للأراضي العراقية ليكون العراقيين حطب لنار الآخرين ، فيما تنعم تلك الدول بالاستقرار والنمو والعراق يتراجع في مختلف الميادين.
وهذه الدول لا تستطيع تمرير مخططاتها وتحقيق أجنداتها لولا وجود قوى فاعلة ترتبط بها وتكون الأداة لتمرير مخططاتها، والمخلب الذي يدمي العراقيين، وهؤلاء العملاء أو ما يسمى في الأدبيات السياسية بالرتل الخامس، واضحة لكل العراقيين ولا ينكر وجودهم إلا اولئك المصابون بعمى الألوان أو من يحاولون التغطية على عمالتهم بافتعال التغاضي عما ظهر واضحا للعيان، وموازين القوى كما نلاحظ تميل لهذه الجهة أو تلك، والصراع الدائر لا يخلوا من أصابع خارجية لها أثرها في ما يحدث من خلافات وصراعات غير مبررة، وهذا سيؤدي بلا ريب إلى استحالة الوصول إلى وفاق في الملفات الساخنة التي يدور حولها هذا الصراع...
صرخ سوادي الناطور قائلا وأنت مثل أبن الراوندي يعلم عالصلاة وما يصلي ،ﭽا شجابك ليش ما تكسر الرجيه وتطشر حبها وتـﮔول فلان كيت وفلتان ذيت وتفضها صارلك ساعة تلف وتدور وما عرفنه البركه بيا حبايه ومنهو العميل وياهو الأصيل وآني راح أصير مثلك .. يـﮔولون اكو واحد نزل خطار على واحد خير ديَن، وقدمله الخير الزاد، والجود من الماجود، وﮔـعدو ياكلون ويسولفون وما يحسون ولن أحجاره ﭽبيره وﮔـعت بنص الصينية وطشرت الزاد على وجوههم، فـﮔـال الرجال الخير ما أدري هذا الحجار مني يجينه، رد عليه الخطار: " شيخنا إذا الحجارة زغيره تجيك من بعيد ، والحجارة الـﭽبيره من الجار الجريب.. والف هنيالنه على هالجيران الما شفنه منهم خير بس دخانهم عمانه!!!!