هم رجع البطريق / شاعر تجعيدي

هم رجع البطريق

هسة انت منهم عليهم
بصمة مال عين حورس
لزكة جونسون
صديق المبدعين
معرشف الفنانين
ابو المولدة فايت صدفة
فلافل حلمها تصير لفة

شنو انت خيال
ظل مال ظلال
كاسيت محبوبي تعال
تريد تطش براسهم
همة عل اقل شاش
وانت لا مسدس ولا رشاش

هسة همة ميخالف فطايس
الطاك بيهم ما يغسل
لأن شعارهم المثقف خايس

بس انت لا صورة لا صوت
ومحد يذكرك لو تموت
الناس تذكر الواضح لو البسكوت

عود اني وياهم بعناد هذولاك
لولة
وعلى اساس انت تساوي عند الطرفين
بولة

بالصور ماد راسك بنصهم
شنو مضيق
وانت لا واق لا ويق
تذكر ان الطيران حلم
بطريق