كدابة الزفة

الكدابين أنواع
و الكدب مذاهب
هو صحيح فشر و تلفيق
و عيار و طايش في الهوا
بس لابد نقول و نبين
لجل الحق يبان و يبين
إن كلامهم كله فاشوش
و لسانهم متباع بالفلوس
و الحقد جوه قلوبهم دفين
رغم مرور السنين
عندك ست عجيبه غريبه
كدابه وتافهه و مجنونه
و غبيه و جاهله و خايبانه
ما فيهاش إلا لسان
عملاه كرباج لأسيادها
و اللي بيدفع بيبان
و تلبي بسرعه مراده
سلطوها و هي خايبه
تمام يا فندم
و دوغري إندبت علي وشها
و إتعلقت بحبال الكدب الدايبه
ما تستاهلش الرد عليها
بكره تسود لياليها
و تشوف نجوم الضهر بعنيها
ما دام ربنا موجود
و إسمه الحق و شهيد
و بالظلم ما يرضاش
و العدل في الميزان
إوعي يغرك جنونك
إياكي يا غلبانه
لو وقعتي ما حدش حيقف معاكي
و طريق الندامه حتمشي فيه بخطاكي
صدق اللي قال
ولاد الحرام
ما خلوش لولاد الحلال حاجه