ثوار أحرار ح نكمل المشوار

شو بتشتغل عمو ؟
ثائر
شو بتعمل يعني ؟
بحرر الناس من العبودية و الاستبداد
و بعد ما تحرروهم , شو بتعملو عمو ؟
بتعرف عمو إنه لازم يكون فيه نظام فبعد ما نحرر العالم بنرجع بنعمل نظام بس نظام لا استبدادي و لا استغلالي .. نظام يستمر للأبد فقط لأنه من الشعب و للشعب ..
هلق وين ساكن عمو ؟
ببيت بنص البلد ..
و بعد ما تحرروا الناس من العبودية , رح تغير بيتك ؟
أكيد عمو .. يا بروح على القصر تبع الديكتاتور المخلوع أو بروح على قصر الثقافة أو قصر الشعب أو قصر العدل أو بعمل قصر جديد لخدمة جديدة للجماهير و الوطن ..
عمو كيف بتفهم السياسة , شو هي أفكاركم ؟
أفكار مشكلة , مختلفة , متطورة و متغيرة بتغير الواقع .. يعني إذا النظام اللي ثرنا عليه إسلامي بنعمل معارضة علمانية و إذا كان النظام إسلامي سنناضل لإقامة نظام علماني , إذا ثرنا على نظام يميني بنكون على يساره و إذا ثرنا على ديكتاتور يساري بنكون مناضلين يمينيين , عمو : نحن دائما مع الناس , مع الشعب , مع المظلومين , دائما مع التغيير ..
عمو بتكسبو منيح من هالشغلة ؟
الحمد لله مستورة عم ..
الله يوفقكم يا ابني