كلام قعدة GAM7

لا ينقسم ...كلمة مقسمة زوزو تناقضات شنو ما ينقسمش هو الحب الفن العيشة الشيخة الدرويشة كل شيء مش يوفى بكلمة حق ثقافات جديدة على شعب مش جديد شعب من عهد الكهنة وحنبعل و عليسة أما خارجة من الحوم خارجة من الشارع هي متاعو أما في فم أولاد الشعب هذا هو إلي ما ينقسمش .
https://www.youtube.com/watch?v=v9T-S4_mjT0
هما خرجوا قالو نحنا هنا نحنا نعبرو نحن الدنيا نحنا الأخرة نحنا الشعب و أولادو معنى الرجولية معنى البدوية ...يعيشو هاك موزيكا قوية برشا. قوية على السيستام خاطروا نسى وقت مشى في سيستام تغر و نفى اولادنا وقفوا و قالو لا هو علاش

كيف تسمع زيكا في أمريكا في فرنسا في بريطانيا ما تنساش إفريقيا ما تنساش العساسة على بيبنها أولاد حاجة صغيرة اسمها تونس حاجة تعدت عليها ألف حضارة و حضارة تعدت عليها ناس و حروب و رؤساء و إرهاب و كذا و منا ...هذوما خرجوا تنفسو ..شافو قيمو ...كتبو و غنو فما منهم زادة شاف و صور على الحيط حط دمعة و حط عشقو فيه عشقو و فنو في هالبلاد يبدل ...يظهر صورة جديدة يظهر تصوير مخبية يظهر دمعة طفل صغير يبكي يظهر وجه فقير يستنى في قدمة خبز يستنى في فرحة ..

غنو على شعب حافر قبروا بفاسو ...قلولو اجا فما أمل ...نحنا شعراء الشارع ...حبنا جديد الفن متعنا بليد مش بالمعنى البيزنطي أما بالحرقة متع حب البلاد ..

الناس هذوما شباب الناس هذوما عرفوا ألحق عرفوا نفاق أهل السياسة عرفو الزواولة و غنوا عليهم قلوبهم معبية على النظام المش راجل ..عرفو إنو التغيير يصير بحاجة موجودة حاجة تتمس و تتحس الفن الراب أي نعم الراب ثقافة التغيير كيف تعرفهم تو تفهم علاش 2pac فكرة عمرها ما تموت .

كيف تشوفهم تعرف إلي معنى الإنسانية مش كلام مكتوب في أوراق هو حاجة عندها زوز ساقين تمشي في الشارع هما شعراء من نوع جديد على بلاد الحضارات هما عندهم مفتاح تونس .

ما تسئلنيش على شكون نحكي نحكي على الفن نحكي على الراب و ألتصوير و أي حاجة في مخك تنجم تكون فكرة قدامك نحكي على شبيبة الشعب هذا نحكي على من قال لا ينقسم أمام من قسم الوطن العربي نحكي عالي إلي قال لا ينقسم أمام من قال ينقسم
للشعب العربي نحكي على فن ضد نضام على فن ضد منظومة فن ضد الفساد الكل نحكي على رجولية عبسي و على صدق لطفي و على تغلغيل عزيز و على كلمة حق سيفو و على حيط عصمت المزركش و على و على و على ...



نحكي على ناس اسمهم GAM7 إسم عندو معنا البقاء صحيح في الطبيعة القمح يتحصد أما ما ينجم حد يحصد GAM7 تونس خاطر سبقوه بعدم الإنقسام ..و هاذي فلسفة الحياة

حاجة اسمها GAM7 ....

اليكم كل المودة لولاد نحبكم و كلنا معكم

جاسر وسلاتي