الإنسانية ما تخلي حد يرقد جيعان

قالوا مازلت صبية تتعنقر في وسط العاصمة المنسية عاصمة الجنون و الربب المخلية مش فهم تمشي تصيح ولا تقتل صوتها داخل نوار العشية ...مازلت تتمرمد قاعدة على بار من بران وسط البلاد لبسة في الأحمر وجها مزركش ألوان ألوان ..تستنى في ولد الحلال يهز يخلص عليها red label ولا شوي البان ....خايفة تعيسة صغيرة و ما تفهمش حللتها أما زينها كلوه الكلاب كلاب الشوارع من بوليسية ..باندية ...خلايق من أوساط شعبية ...عندها كيف ما عند أي وحدة أما ما تقولش مستورة ديما إلي في فمها على لسانه .يدها على قلبها ..مش جبانة تحدت الدنيا و العالم مش خايفة ولا حاجة أما محتاجة و من غير حساسيات هي انسانة تحس و تموت و تمشي و تجي و تهز و تحط و تعرف بالبرشاء مش بالشوي ...

هي اختارت تعمل اكاك هي حرة ....لا مش هذا المفيد أما المفيد انها عن قناعة ..لا مش هذا المفيد المفيد انها تكون مرتاحة ...زعمة هذا هو لا منتصورش مصدر الحياة يتسلم فيه اكاك من غير لا حسابات و لا ديمغرافية تضاريس العباد ....محلها كيف تجي تشوف عاملا مغناني و طيحا في الشيء حبك دربالي ..

الظاهرة هاذي موجودة في العالم الكل حد ما تجرأ يحللها و يحاول يشوف و يقول علاش خاطر المشكلة في الصراع الطبقي نفس المعبقة ادور ادور و ترجع غدي و فما زادة قلة حياء و قلة وطنية ...في المفاهيم الدينية و المادية هي نفس الوصف مش مسيبنها تعيش العيشة الهانية ...تي الحاصل الإنسانية ما تخلي حد يرقد جيعان

و الكليب هذا يفسر فش أنا نحكي
http://www.youtube.com/watch?v=dOibtqWo6z4