خلود الحسناوي
اعلامية وشاعرة
(Khulood Sabri)
الحوار المتمدن-العدد: 6780 - 2021 / 1 / 6 - 04:58
المحور:
الادب والفن
ليش ؟؟ ..
ليش ؟؟،
خربطت كل الخريطة وشخبطت كل الصور؟ ..
ليش ؟خربطت كل الخريطة ،
وشخبطت كل الصور ؟
يا حسافة..
ياحسافة گليبي ملعب
من هواكم صار چنه ..
وعمل عملاته بيه هذا الدهر ..
گتلي اجيك..
گتلي اجيك ورَحبتْ بيك، وتلگنك عيوني
بليل مظلم ..
وانته صرت الگمره وانته الي ذاك النديم لهالسهر..
يا عُمرْ!؟ ،
وك يا عمر انا اطشنه اعله عمرك
بس تظل ويايه دوم ..
بس دحن ..
حن ..
يا حنين اعله الفراشة لو تبلل
من ندى الواهس جنحها..
ويا حنين اعله الطيور..
تهاجر الاعشاش
لو مرة بعمرها..
حن..
بساعة التوديع لوعة..
والك كل ذيج المحبة بلا بديل ولا ثمن ..
الك كل حبي وحناني
والك گلبي ..
امقايضه ابنظرة ووصل..
والك مني سنين عمري ..
ومن غيابك ..
خضّر الصفصاف واثمر.
#خلود_الحسناوي (هاشتاغ)
Khulood_Sabri#
كيف تدعم-ين الحوار المتمدن واليسار والعلمانية
على الانترنت؟