رمضان بريمري

رمضان بريمري / حيدر الحيدر
ــــــــــــــــــــــــــــــــــــــ
ماجينه يا ما جينه
پول بريمر والينه
***
الله يخلي راعي البيت
واللي كاتب هذا البيت
من فضايح واتر گيت
سترك يا رب احمينه
***
ما جينه يا اهل الدار
يهل النخوه يا اخيار
خلونه ننشد اشعار
أبحُرهه مِنّه وبينه
***
ما جينه راحت الاخطار
حل الوئام بهل دار
فليسقط كل الاشرار
ابجاه الله ونبينه
***
ما جينه يا اهل الحوش
من گال بريمر مو خوش
راعي البقر يرعه الهوش
تسرح خلهه إبوادينه
***
پول بريمر هذا العيـد
ابجاهه نلبس ثوب جديد
بجيته نحقق كلما نريد
ننسه الماضي وسنينه
***
ماجينه يلله ويايه
دنيانه حلوه هوايه
خل نصعد پایه پایه
واليسعه الله يعينه
***
يلله ويانه يا ويلاد
هلّت علينه الأعياد
خل نهتف عاشت بغداد
مزهيه بفرحه وزينه
ـــــــــــــــــــــــــــــــــــــــــــ
أبيات ساخرة كتبتها في أول رمضان حلَّ بيننا بريمر