من مؤلفاتي القديمة - مسرحية الأستاذ خوفو يعتذر - عام 1973 - الحلقة 2

صلاح الدين محسن
salahmohssein@hotmail.com

2020 / 9 / 19

تمهيد :
مسرحية كتبتها منذ ما يقرب من 50 عاماً
بين عامي 1973 : 1974 لمسابقة أجراها المجلس الأعلي للثقافة . في مصر . بمناسبة العبور و الانتصار في 6 أكتوبر عام 1973
أي مضي عليها بالضبط 47 عاماً .. لم أقرها إلا الأن سبتمبر 2020 .. ! فوجدت فيها أكثر من مفاجأة .. آراء كما كانت لم تتغير , ورؤي ثابتة ! وأحداث ومشاكل لا تزال قائمة حتي اليوم .. !
وقتها كان عمري حوالي 25 سنة .. وأدركت ان عدم فوز المسرحية بأية جائزة .. ربما قد حماني والقائمين علي منح الجوائز من الوقوع في مشكلة مع السلطات بسبب ما جاء فيها من أفكار وآراء - سياسية بالذات -..
فكرة المسرحية حول عودة الحياة للفراعنة بعد العبور .. ومن ضمن ما يجري بينهم وبين أحفادهم المصريين المعاصرين . اقتطفنا منها جزء 2 .. جزء 1 - بالهامش , باللينك - * :
----
حامد ( مواطن من المصريين المعاصرين , مخاطباً الملك خوفو ) :
بقولك ايه يا حاج خوفو .... تصدق وتآمن بمين ؟
الملك خوفو : بالإله آمون , طبعا يا وله .
حامد : الإله آمون !؟ يا عالم اتقدموا بقي وكفاية تأخر .. الدنيا اتقدمت .. آمون ايه دلوقت !؟.. إحنا في القرن العشرين ( وقت كتابة المسرحية ).. بعد زمانكم ب 4500 سنة.. وانتوا لسا نايمين في العسل !؟ شوفوا الأديان الجديدة.. شوفوا الأنبيا . اصحوا بقي .صح النوم يا حاج خوفو .. !
أحد الفراعنة : ( يقف ويصيح وهو رافع يديه ) استرها يا حورس
مواطن فرعوني آخر , يقف ويصيح وهو رافع يديه : أُلطُفّ يا حابي .. يا إله النيل
مواطن فرعوني ثالث يقف رافعاً يديه , ويصيح : احفظينا , أيتها الإلهة هاتور ..
مواطن فرعوني رابع , يصيح , رافعاً يديه : بركاتك أيها العجل أبيس , المقدس ..
سيد : يا خبر اسود يا ولاد .. ! كل دي آلهة كنتم بتعبدوها !؟
خوفو : أيوة كل دي آلهة .. مالها !؟؟
ماجد : طيب كُتر الآلهة ما خلاكوا تقعوا في بعض وتقتَّلوا بعض !؟
منقرع : نقع في بعض ليه !؟ ونقتَّل بعض ليه !؟ . كل واحد يعبد الإله اللي يعبده . هو حر ؟ دا شيء يخصّه وباقي الناس ما لهم عنده إلا المعاملة الطيبة والمعروف . لكن الآلهة لا تخلينا أبداً نقع في بعض ولا نقتَّل بعض .. حتي لو كانوا مائة إله . هُمّا رؤساء عصابات يا ابني ؟! دي آلهة .
سيد ( بانبهار ) يا دين النبي يا ولاد !!.. ولا كان عندكو حد يدخل علي محلات الدهب .. يِقتِل اللي فيها ويعبّي ويجري . لأن أصحابها من دين غير دينه – !!؟
خوفو ( ببساطة واستنكار ) ما سمعناش أيامنا عن حد يعمل كدا . ولا آلهة بتقول كدا .. !
---
الحلقة الأولي :

http://salah48freedom.blogspot.com/2020/09/50_7.html
============



https://www.ahewar.org/
الحوار المتمدن