هايبون : يا صيف

وليد المسعودي
walidmasody@yahoo.com

2020 / 6 / 6

هايبون بالعامية العراقية :

يا صيف

يا صيف يا صيف يا صيف
من يحسب النيران
والهجران والدمعات والحيف
يا صيف يا صيف يا صيف
قلبين
سورهم عطش
وبين الشفايف انقش
اسمين
لا ملكه السما تحضن هواهم
لا يلمهم طيف
يا صيف يا صيف يا صيف
وبين الاحضان العشق
يتقلب سنين سنين
وبين النجوم السهر
يكل للوسن بعدين
حتى دربهم زعل
ما شاف عدهم ضحك
لا كيف
يا صيف يا صيف يا صيف
عبالك الوادم تسامح اليحب
وعبالك الغيمات ترحم الدرب
ماخذهه الحجي
بايكهه الهذر
ولسانهم سيف
يجرح الشط والقمر
لسانهم سيف
يا صيف يا صيف يا صيف
جي فاض شط نهار وليله
وحب القمر يستاهل يغنيله
لا برد كلبه للشط
ولا كمر جيت يغط
بس الحزن
كاعد يون
بيناتهم ضيف
يا صيف يا صيف يا صيف

يا صيف اليمر
بين الكمر والشط
كعدات حزن سنين

قلبين
سورهم عطش
بين الشفايف صيف

زعلان هذا الدرب
ما يحضن اثنين
دولبهم عشق



https://www.ahewar.org/
الحوار المتمدن