ياهو انته؟!

طالب الجليلي
Talibahmed@yahoo.com

2019 / 1 / 26

حرت وياك يمدلل
مدري اشأسميك
حوريه وعيونك عسل
بس گلّي..
شنهي المو حلو
بيك!
من تحجي صوتك همس
والشعر هلهولة عرس
وانا اللي اشوفك بالحلم
بس..
صدگني هايم ليك

روحي اويا روحك صفت
مثل الشمع والنار
تحرگني واگطر دمع
والدمع ماهو بچي
روحي اويا روحك جار!!
يوم اللي اشوفك ؛؟حلم!
واشگد ما أخاف اعليك
أخنگ حلم بيه شوفتك
وبروحي غصبن ألم
واتصورك تذكار...!!!

25 ك2 2019



https://www.ahewar.org/
الحوار المتمدن