باش إنجح حراك الحسيمة..

جواد بيوسف
jawad.bouyoussf@gmail.com

2017 / 5 / 22

باش إنجح حراك الريف..
واش عرفتو تال دابا علاش ماحاولش المخزن افتح مع الحراك أي قناة تواصل ماشي حيث ماعارفش العواقب ديال داكشي ولكن حيث فاهم العقلية ديال هاد الكائنات للي كايدورو تما، مابغيتش نكون معاكم بسميست هو عندو خبراء نفسانيين وعارف بللي ديك الحروب بين التيارات للكيصنع من زمان ماغاتمشيش فالفراغ وهادشي لي اكدات لينا بزاف ديال الأحداث، كيعبر فيهوم من بعيد مرا مرا يصيفط شمكارا ولا.. على أساس إخلق تقابي إستغلهوم لمصلحتو تقدر تكون هاد التقابي نفسانية خلق الدعر، الدعاية للمخزن والأهمية ديالو، تقدر تكون نشر الفوضى بحال التعدي والسرقة على أساس إستاغتو الناس بالمخزن نفسه بللي مكاينش البديل لحفظ النظام من المخزن نفسه، إقدر إكونو هاد التقابي بفعل السياسين فاش كاتشوف أحزاب معينة كتبغي تلعب دور الوساطة، ولا يخرج ش متحزب كيضرب فالحراك ولا المظاهرات وكيدعي نفس الخطاب المخزني، ولكن أخيب تقبة هي للي كايتسنا فيها المخزن وهاديك دايرا بحال فاش كتشعل العافية فالتبن كيمشي كولشي وكتبقى غي الحسرة كيف ما وقع ل 20 فبراير عندها بزاف ديال الحالات تقدر تكون القيادات باعو الماتش والقلة للي بقاو منهوم غايضرب المخزن فكرامتهم وفتاريخهم وفالنهاية يدخلهوم للحباسات، ولا فاش كيتخاد شي قرار من المخزن كيبرد بيه الحشود وكيخليو المتظاهرين كيتفقسو بوحدهوم على الحسرة، ولا فاش كتولي الحرب بين القيادات لأسباب كنعرفو أغلبها إما باش مايتنازلوش على مطالبهم ولا باش يرفعو من السقف ديالها، إما بسبب مواقفهم تجاه الأحداث والتنظيم أو مواقفهم الفكرية نفسها، وهنا غادي نتلاحو لأكبر تقبة تقدر تكون وللي بدات كتبرز فحكار الحسيمة وللي هي الصراعات الايديولوجية بحيث كانشوفو الزفزافي فآخر خرجة ديالو كيعلن بطريقة غير مباشرة على الحرب بينو وبين النهج الديموقراطي وبين العدل والاحسان وبين الأحزاب الأخرى، وهادي هي الفجى الكبيرة بحيث عطاو للمخزن مساحة تأويلية كبيرة لأي رد فعل باغي يخلقو وهنا كنتساءل مجرد تساؤل موضوعي أش بقى للحراك من الايديولوجيات؟ الأمازيغية بوحدو فين التنوع وحق الاختلاف، كاين للي غايجاوب وغيقول بللي الحشود كفيلة باش يتحقق التغيير، ولكن كانقول ليهوم هاكدا كتنسا الخير ديال أطراف داقو معاناة ڭاع ماكايفكر فيها واحد مدور عليه سيكوريتي وخايف على راسو، ولا مكيآمنش بمقولة روبسبيير" الثورة تأكل أبناءها" وبدات بيه هو الأول، ومكايآمنش بللي ڭاع الثورات للنجحو فالبداية وبقاو الثوار دياولها أحياء تحولات لأنظمة استبدادية ومكيآمنش بللي دآك الخوف من التحول للمستبد هو للي خلا جيفارا يخللي صاحبو فالحكم بلا خبارو لدولة خرى..ومعارفش بللي إقصاء الآخر هو تمهيد للاستبداد
"لا للتخوين" مبدأ خصو يتفعل ماشي غي من النظام ولكن من كل الوحدات الموجودة فأرض الحراك من الزفزافي مرورا بالنهج وشبيبة الأحزاب
نعم للمصالحة والخاوة والمعاونة والانتقاد ولكن لا للتخوين
نجاح الحراك فالريف غادي ينجح المسار الديموقراطي فالمغرب حيث كنآمن به هو للي غايدفع تنغير وسيدي افني وكازا ...باش انجحو 20 فبراير كرمزية للمطالب



https://www.ahewar.org/
الحوار المتمدن