فانتازية

باسم محيسن
Basem.mhsn@gmail.com

2013 / 10 / 21

فانتازية
فانتازية


والناس صاحيين
كدة من بكورة
فصبح يوم العيد
جايين ينادو
من بعيد
لبعيد
تعالي دفينا يا دنيا
تعالي والحقينا
من غيوم طلت علينا
والمطر كسر
عيونا
والندى حدف كمان
اصلا كرهنا من زمان
تعالي ودينا لعنيكي
يا دنيا
فوق غيطان
الفجر
نزحف
ونزحف
يمكن نؤوم من النوم
اوم
نلاقي يوم جديد
اوم نلاقي يوم جديد


فانتزية فانتزية
كل حياتنا
كدة بئت فانتزية

بس فنتزية

موت ورعب

ييجي يومنا
يبتدي باول حكاية في النكد
بنده عليك يا شريف
تيجي همومنا
وهي تتمشى تجر في حبال النكد
ادحك كمان يا شريف !!!
تنتهي بالليل
في سرير
طافح عليه ظلم
الابد

اصحي يا وليه
قومي هاتيلنا رغيف !!

مهو مالديابة
وانت اول ديب
يا خروف

مهو مالغلابة

اللي اترمو

ورا ضل حيطة تضمهم

يدحك ومش مكسوف !!

اوم لم نفسك يا جحا

واصحى دا فجر جديد

مهو من الشعر

اللي اتحدف

بين الجزم

مات من زمان

مهو من عزلة الحلم اللي

على وشوشنا اترسم

بس يا خسارة

عدى علينا القطر

والحلم مات

وانداس بالجزم

بئة من الذل

بيصرخ حتى موته

ينده ينادي من بعيد لبعيد

اصحى ياشاعر

اصحى

اصحى دا يوم العيد !!!


باسم الشاعر



https://www.ahewar.org/
الحوار المتمدن