المالكي نجم للشعر وفارس للمنصة

حسين جهيد الحافظ
noh_alhafz@yahoo.com

2008 / 7 / 21

طبعي ما يخاف الموت ويهاب
يسل اِسيوف بالكلفات ويهاب
أعد بالناس زين اِبزين ويهاب
اِبفخرواِبـــــــزود نال الأوليه
بهذا البيت من الأبوذية الذي كتبته أثر إعلان فوز الشاعر المبدع إيهاب المالكي
بلقب نجم نجوم الشعر 2وبهذين البيتين من الدارمي واللذين كتبهما الشاعر
حسن فالح السلطاني
مو بس وگف خيّال فوگ المنصه
هيبة اِجبال اِيهاب والثاني نصه
*****
شيباتي والعكاز أدن تحـــــيــــه
للوگف رفعــــة راس للناصريه
أبدأ وأزف تهاني الود والمحبة من سوق الشيوخ من جمعه أبو اِمعيشي رائد الأبوذية الأول
وابوذياته العذبة ذات النكهة الجنوبية والحسچة المحببة إلى النفوس التواقة الى الشعر الحقيقي
النابع من وجدان الجماهير الشعبية الكادحة .
اِبجليب أظلم تذب اِرشاك ودلاك
ولا صحلك صديج أرشدك ودلاك
مــــــــو كلمن تحبه صار ودلاك
اِبگلبه ولا صفتله اِوياك نــــيه
ومن نصائح الحاج نجم الشكرچي الى الشعراء الشباب المتحلقين حوله كحلقات شعرية تجمع
الشعراء والغاوين ومن موالاته المفعمة بالنصيحة والارشاد .
اِموشره اِوشار عند أهل الوشايه لسن
وشـــفرة البتار والبيهه أگصهن لسن
قانون لأهل الهـــوه واجب عليّ لسن
وأجعل المحبوب عند اِللي يــــوده ملك
من حيث عقله ودليله وكل حواسه ملك
يا گلبي وك جوز چن اِللي تـــــوده ملك
طبعاً تره شييت لا من نواظر لسن
ومن هواجس كاظم الركابي في (( چا بعديش )) والتي رافقته تحصد أيامه بهموم مناجله
حيث يقول :-
شديته بالشريان شد اِويه العظم
صار الهظم
.... هو منجلي
ومن ... مشيت اِوياه للمگير أودعنه
مشيت وكل كتر مني اِنهدم
..... بالحسره والونه
لزامل سعيد فتاح ومن
يا هور الچبايش لا تسد الشط
يا مچمن حيايه آفات تتلعبط
يبو الزمير يالشبعت طير البط
في – هور چبايش – مجيد جاسم الخيون ومن
أدگ روحي نذر للجايب اِبشاره
وأورجه اِعله الجروح المالهن چاره
في – نذر – عريان السيد خلف ومن روح جبار الغزي الغريبه
غريبه الروح
لا طيفك يمر بيهه
ولا ديره التلفيهه
ومن همسات مهدي مساعد الناصري
أريدن حل
أريدن زلم تمحي العار
مو حته الورد مذبوح بالمنجل
ومن رقصات فاضل السعيدي الشفافة المشاكسة فوق الخارطة

ملهى .. بار .. أوتيل .. مطعم
أغنيه .. ورگصه وعطر
.. للراد يشتم
كلشي موجود اِببلادي
.. حته دم
وخارطه التاريخ
بعيوني رسم
للمدينه الظلت
اِبروحي علم
قلم .. طلقه .. ولاجئ
.. وهم
هم ..
هم ..
هم
ومن ومضات رحيم الغالبي ذات الطعم العسلي المر على شافه المبغضين
ومضاته قطرات ندى شفافة ترسم فجراً حينما يكون الليل حالكاً
ولا طلعت بلون ثاني .
.لوني الاول بعده ..بعده لوني ...
لوني الاول... .......ما تبدّل
خيط صار وعمر مغزل ما تبدل....
صعدت السابع سمه ....روحي واحبك ..
.مطرقه وفوكاهه منجل
ومن مشاكسات لطيف العامري الشفافة المعروفة ذات الصدق السرمدي الذي رافق
لطيف العامري في جميع أمور حياتيه
اتخالطينه اثنينه .. وذوبنه التعب
اِبروح وحده اِثنينه اِنعيش الحياة
روحي وروحك مثل شط العرب
وياهو يعزل ماي دجله اِمن الفرات
ومن خمريات الحبوبي شيخ النضال الشعبي في ثورة العشرين رغم انه رجل دين
ولم يحتسي الخمرة ابداً
اسقني كأساً وخذ كأساُ فلذيذ العيش أن نشتركا
ومن رد ذلك الشاعر الجنوبي الذي لم يروق له أن يشرب الحبيب قبل المحبوب
فكتب ذلك الدارمي والذي وقع في نفس شاعرنا الحبوبي موقع الرضا والاعجاب
وهو :-
اتهنه بأول كاس والثاني اليه
يشكر لذيذ العيش نشرب سويه
الى ناصرية ناصر باشا الاشگر وأغنيات داخل حسن واحضيري ابو عزيز وناصر حكيم
وصوت صديقة الملايه
للناصريه .. للناصريه
أبو اجناغ أريد اوياك للناصريه
ومن عشق عبد القادر رشيد الناصري وقيس لفته مراد للناصرية وحب رشيد مجيد
وحمدي الحمدي وعبد الواحد الهلالي لها وكتابات عزران البدري وهمسات الحسيناوي
وهمسات صفية النصرالله وبتول الجاسم وزقزقات عصافير بلقيس نعمةالعزيز الى عتاب
المطرب حسين نعمه مع نخل السماوة .
وأخيراً وليس آخراً من ملح ماء الفرات عندما يدخل الناصرية حيث قال فيه الشاعر
عباس المله علي :-
يقولون ماء الناصرية مالح فقلت ألذ الزاد ما طان أملح
ومجاراة حسين جهيد الحافظ له حيث يقول :-
غــير اولايتي للعين مالاح
وأبد لو هواهه الگلب ما لاح
يگولون الناصرية أم ماي مالح
الملح للزاد بيه لذه هنيه
نصوغ باقة ورد من أطياف القوس قزح سرقت ألوان أزهارها فشكلت كرنفال من الفرح
طرز خدود شوارع الناصرية ليرسم شارة النصر على جبين الشاعر المبدع ايهاب المالكي
والفوز الأبدي الابداع الناصري وناصرية الابداع .



https://www.ahewar.org/
الحوار المتمدن