جمعة الدولار بدل الوطن

2018 / 11 / 9

جمعة الدولار بدل الوطن
شنطة و شنطة و شنطة
حقيبة حقيقبة حقيبة
انا بياع الوطن
مين يشتري مني
ويدخل المزاد
كله أصبح على العلن
يا عيني عليك يا زمن
بترفع ناس وبتنزل ناس
ناس بتكسب
وناس تموت وتنداس
مساكين
وصارت الثورة شنط
عبر المحتل بتدخل
وعبر قطر تنصرف
وفصائل بتفصل
كشوفات وحسابات
حصص
يابا حصص
خير قادم ونصر واضح
مش هيك قالوا
وانتهت القصة بألم
خربش يا قلم
بروح الكرم
مثل ما خربشوا
حياتنا
أصبحنا حراس وبرتب
لا وبنفتخر
وحققنا الحلم
دولار
دولار دولار
سولار
سولار سولار
مبروك عليكم
كهرباء ومي
انتظمت أفضل
من سنوات قهر
طيب ليش كذبنا
وقلنا العودة
وصدقنا القصة
وحضرنا حالنا
ما هي لعبة
حقيرة
وحذرنا منها
يا عيب الشوم
يا عيب الطفل
مات وانقهر
وغيره انبتر
وارواح بثمن
وينك يا غاندي
تعال و شوف
رفعوا صورتك
وياريتهم مثلك
كنت عريان انت
ورفضت ثوب قماش
وحررت وطنك
احنا بدنا سيارات
ومعابر ومطارات
وميناء وسماء
ويمكن يعطونا
أرض مثل أوغندا
ولا شو رأيكم بكندا
واحتمال تكون استراليا
المهم نرحل ونترك أرضنا
مش هيك الحكي صار
وشوفناه واتصدر
قدام العالم
كيف بنقبض
ومين بحكمنا
بطلنا نعرف
العمادي
ولا ملادينوف
ولا المحتل
عبر وسطاء
دخول وعبور
والأمر مريح
للعدو
ما يغركم
شو بصير
وبصدروه
صراعات
الكابينت
كذب
وهم مش مثلنا
بيختلفوا صحيح
بس موحدين
فنانين بالعب
عبر آلة الحرب
وتهديد وتركيع
للمنطقة كلها
سكة حديد للحجاز
ورقصة بسيف قابوس
ومين ضل النا
اليمن المدمر
ولا سوريا
الي بدها تتعمر
ولا ليبيا وغيرها
وممنوع علينا نتحدث
بدنا نرحل علي سينا
ونتوه فيها
مثل ما تاهوا قبلينا
شكلي راح احكي صعيدي
وانتظروني المرة القادمة
بقلم كرم الشبطي


المصدر : كرم الشبطي
اضافة خبر | مركز الاخبار