دمع المستحى!!

طالب الجليلي
Talibahmed@yahoo.com

2018 / 12 / 24

تدرين!!؟
ما كتبت الغيرج
ابعمري هلگد قصايد
اولا سوالف
امطرزه ابنجمات السما
ونتي من يوم
اللي شفتچ
چني گبلچ
ما شايف بشر
إنت حوريه
اوغابة ورد جوري
امن الصبح
سابح بالندا...
لاوين اظل
امگابل ارسومك
مثل متعبّد
ابمحراب الكنيسه
والهوا امن اتمرّين
يمّي..
ودّي أحظننه
واشمّه وبروحي
المسنّه وجيسه!!
اخ يا چلمه التظل
حيرانه
مثل دمع المستحى!
وانته تدري الگلب
مخنوگ ابلوعته
اوجمره
اوهسيسه!!!

24 ك1 2018










http://www.ahewar.org/
الحوار المتمدن