الثعالب لابسه فروة سباع

جواد القابجي
jwadalkabchi@yahoo.de

2013 / 4 / 12

( إليوم عدنه إنتخاب )
*********************
بعد لَسّا ما بدينه الإقتراع
الساسه هبَّت كشِّرت أنيابها
***********
اتگول غابه وشتعل بیها الصراع
اوبعد مَنْميز العدو امنصحابها
والثعالب لابسه فروة اسباع
تمرح اوتسرح ابوسط اسباعها
والمصيبه الواگعه بيه الجياع
تطلب امن الوحش يرحم حالها
مرّت اسنين العجاف ابلا متاع
والحراميَّه غزت لمتاعها
مرَّت امن العُمر والحق بيها ضاع
يا وسف من عدنه صار اضياعها
ما عرفنه انروح للطيِّب اطباع
حتَّه يخدم ناسنه او اوضاعها
رحنه للّي باگنه او للشرف باع
هيَّه ذیچ العگربه او لدغاتها
كون هذا الصوت لا يشره اويُباع
اولا تأمِّن هالزُمر غدراتها
روح ونْخِب ناس ما عدهم أطماع
طائفي يو عنصري اللي قادها
للسفينه إنتخب إلها الشراع
ايجيبنه الشاطي السلام اشراعها
حتَّه لا نندم بعد كافي الضياع
أُمِّتك حارسها كلمن راعها
***********************
jalkabchi@yahoo.com



http://www.ahewar.org/
الحوار المتمدن