حوار مع جحا المصرى

عبدالله صقر
asadmody67@yahoo.com

2012 / 2 / 11

قابلت فى الطريق عم جحا , ودار مع الحديث التالى :

ماذا بك ياجحا ؟
قال لى :
بقى لى كام يوم
عيونى ما شافت النوم
قلت له :
دا أنت قبلك ميت ياجحا
ولا تفرقش معاك الهموم
وطول عمرك يا جحا عايش مظلوم
قال لى :
الوطن غرقان والطريق غير معلوم
الوطن مرضان والجماعة بيعلنوا العصيان !!!
عشان يزيدوا همومنا ويعلى الضباب والدخان
قلت له :
دول جماعة لسه صغيرين
وبالطبع هم مضللين
عاوزين يوقفوا عجلة الزمان
قال حجا :
هو البلد ناقصة عصيان كمان !!!
روح يا عم للميدان
وقول لهم بلاش يا جماعة دا الوطن مرضان
والفقر أكل ظهورنا موش ناقصين اللعب بالنيران
دا البلد فيها أيد خفية بتلعب مع الشيطان
طب موش مصدقينى روحوا وأسألوا
قارئة الفنجان
أيه هو العصيان !!!



http://www.ahewar.org/
الحوار المتمدن