يا ريت لو عمري يكفيك

غريد الشرق

2009 / 10 / 22

يا ريت لو عمري يكفيك
لضم آهاتك عصدري
وبروحي أفديك
كل لحظة تمر ونتا بعيد عني
أحسها ليلة غريبة ....
بدها تخطف فرحتي مني
وتخليني أتقلب
عجمر النار مستنيك
آه يا حبيبي آه
لما أسمع دقات قلبك أحن
وأظل أنادي وأقول
وينك حبيبي وينك
والله عقلي كرمالك راح يجن
يا ريت لو عمري يكفيك
لعطيك كل أيامي
وكمان ضمة ورد أهديك
شايف حبيبي شايف
الناس صارت قلوبها
مثل الحجر
ياما جار علينا هالبشر
أصبر حبيبي أصبر
بعرف إنك مشتاق لتراب الوطن
لتشم ريحته وتغزل من خيوط الشمس
إلك شال وشقفة كفن
وبعرف إنك مشتاق لليل والنجوم والسهر
والقهوة السمرة بلون الوطن
تنشربها سوا على ضي القمر
ليحلى بوجودك السمر
آه يا حبيبي آه
لا تخلي تنهيداتك إتبكي ليالينا
وأحزانا إضيع أمانينا
نحنا راجعينلك يا وطن عرجلينا
لنغنيلك ميجنا وبترابك إنحني إيدينا



http://www.ahewar.org/
الحوار المتمدن