رحيم العراقي
الحوار المتمدن-العدد: 1940 - 2007 / 6 / 8 - 07:29
المحور:
الادب والفن
كلماتج..تذوب شموعهه بصدري..
كـــل كـــلـمه حـــركـَ بالـروح
وراحة إيدج..إتمنيت تغرف دمي المسفوح
وضحكـاتج..على الأيام..
صارت تبجي ضحكـاتج بجي المجروح
وخصلة شـعرج النعسانه..خوف إتفوح
ومنديلج بعد ما غفه بعينج لحظة التوديع
ردت أقراه وتهجّى الحجي الممسوح
تمـنيته حـمامه بــس تجــي وتروح
وأدري بيتي المظــــلم.. نزل مترات عل شارع..
واَدرز ..بالحلم لو بالصحو..الفرشـــي العـتيكـَ إســطوح
أنه الياويل..من بعدج حمل مطروح
مثل سعف النخل بالريح..كَـلبي ينوح
وصدري باب للطعنات ترسم لي عليه إجروح
بنيت أعشاش للملكَــه على إجتافي
مـا ظـل منها بـس ريشـه و عُـمُر مــذبوح ..
#رحيم_العراقي (هاشتاغ)
كيف تدعم-ين الحوار المتمدن واليسار والعلمانية
على الانترنت؟