كريم ناصر
(Karim Nasser)
الحوار المتمدن-العدد: 1887 - 2007 / 4 / 16 - 07:39
المحور:
الادب والفن
اِيتراوالي ضوه اعيونك اهلالين
أنه ابليّاك ياخذني الدرب وين
وك عمري يضيع وما تضيع انته
أظل أتباهه باسمك طول الِسْنين
***
يمر طيفك وسط روحي يعط هيل
لشمّرلك اذراعي اعله البعد سيل
أريد اوياك ولغيرك فلا ميـل
بليّاك أظل طير ابلايه جنحين
***
أسولف بيك ياخذني الهوه اكحيل
يبو الطيبات يا كل المراسيل
إلك وحدك يمستاهل ضوه اسهيل
أهو تدري الكَلب ما يوسع اثنين
***
لمن ألكَاك يا حلو المواويل
تفرّحني وحنانك ترس إلِشْليل
أحنّن ليك لو مرني صدى الريل
يمشدود اويه كَلبي والشرايين
#كريم_ناصر (هاشتاغ)
Karim_Nasser#
كيف تدعم-ين الحوار المتمدن واليسار والعلمانية
على الانترنت؟