أحنه و إنتو !

سلام ابراهيم محمد

الحوار المتمدن-العدد: 6614 - 2020 / 7 / 9 - 18:16
المحور: كتابات ساخرة
    

هاي أحنه، وإنتو..؟!
منتصف السبعينيات؛ بغداد-الخلاني: على الأغلب تسكن عدة عوائل في بيت واحد كما هو حال العديد من محلات بغداد وخاصة القديمة منها. الاطفال كثر وكثير ايضا شجارهم. أُم الصبي المصاب برضوض بسيطة_ سليطة اللسان "قرچ" تنزل إلى ميدان "المعركة" لكل صغيرة و كبيرة هذه المرة يقع بين فكي فخها (على غير العادة) والد الصبي"المُعتدي"_ الرجل يهم بدخول بيته عائدا من عمله المُضني (حَدّاد) عيناه فيهما حُمرة وورم حول الحدقتين بسبب اللِحام وهمه الوحيد الآن هو وجبة العشاء وبعدها شرب الشاي..
يتكأ بيمناه على إطار باب البيت ويصغي..

أُم الصبي المُصاب تصرخ بوجهه بشكل يسمعه تقريبا كل فضوليي المحلة و المارة : إنتو اَنگس الناس مه تستحون سايبين ابنكم بالشارع وهل المره كسر إيد إبني بالقصطني، أي هذا إبنك المتربي بالشوارع، إنتو مه دتشوفون هذا النغل شدَ ايسوي..انتو انذال متعرفون قيمة الجيره.

الرجل: بكل برود : هيچي، هاي احنه، وانتو؟!

المرأة: (تلف عباءتها من أسفل الجانب الأيمن حول معصمها, وترعد بكل كيانها): أحنه احسن الناس الطرف كله يعرفنه، احنه ماكو واحد ايگوللنه فوگ عيونكم حواجب خو مو مثل مرتك البربوك ، خِري مِري طالعه عل السوگ واتسولف ويه الكل، وجهالك زعاطيط ماكو واحد ايربيهم، وانت عِود هم حاسب نفسك رجال وگادر عله مرتك، ولك يا ول إنت متصير ضرطه بچف عفريت..(بشهيق مسموع..، ووجه منتفخ) انتو شَلاتيه ، ادبسزية، خرنگعيه (تتنفس بغير انتظام)..

الرجل:(يتجه بنظره الى الأعلى وكأنه يخاطب السماء: متگلي شوكت تاخذ امانتك وتخلصني) و يرد: زين هاي احنه، وانتو؟

المرأه: احنه احسن الناس أحنه اشرف النا..أح ..تترنح قليلا، تسقط ويغمى عليها من شدة الانفعال. على مهل وكسل
يتجه إليها البعض ويبدأ أحدهم برش الماء على وجهها…
أحيانا يكون الفوز بعدم الرد..
!take it easy

#سلام_ابراهيم_محمد (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات