جعفر كمال
شاعر وقاص وناقد
(تôôèô ؤôéôم)
الحوار المتمدن-العدد: 6599 - 2020 / 6 / 22 - 02:22
المحور:
الادب والفن
عايش إلوحدك غريب
لا حبيب ولا قريب ولا تداني
ولا مرح بين الحبايب..
وللمحنه تستجيب
شكثر صعبه
يلي خليتك كحل بعيون كمره
تنثر إعثوك التلاقي بدرب سمره
من تشوفك تبتسم دنيا بسماها
وتصير خضره
ومن الف عِلَّهَ ترافكه تطيب
يا نفس يشهك ومليان بغرامك.. يا كلامك..
يا شهامة نفسك المَّا تقبل تزعل مجيب
هووووواي صعبه
شكثر تتكاثر سنينك
وأنت ما معروف بيا دنيا تغيب
لا خبر منك يطمني
ولا حتى بسلامك
أنتظر، وأحسب تدگ إباب ليلي
لأن خطواتك دليلي
شكثر صعبه
بچت عيني..
وشابت بفركاك يا عمري سنيني
آخ لو بس تَرِجِعْ الماضي الحملني
بين إديك الچانت السلوى التشدنی
وتنسه درب العلمك تبتعد عني
صدري يتوسل شبكتك
إشبك سنين البقت تتمنى وصلك
آه لو بس تعرف الدنيا بغيابك شكد چفتنی
يا خليلي آنه كلي.. آنه همي.. آنه أصلي
آنه نسمة شوك تتمناك يمي
#جعفر_كمال (هاشتاغ)
تôôèô_ؤôéôم#
كيف تدعم-ين الحوار المتمدن واليسار والعلمانية
على الانترنت؟