أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم

الصفحة الرئيسية - الادب والفن - أمال رقايق - رسالة مزّقها ساعي البريد












المزيد.....

رسالة مزّقها ساعي البريد


أمال رقايق

الحوار المتمدن-العدد: 6552 - 2020 / 5 / 2 - 14:56
المحور: الادب والفن
    


______________________


مرسال إلى القمر.

عزيزي القمر: ما دّير في بالك والو قصدي ما ديرش في بالك بلي ما نقدرش نحبك إنسانا لإنسان خاطر بالعكس، كي يفرغ الواحد من كل شي يبقى فالخاطر غير المعنى..

الدنيا مقوّدة وشي غاشي اكثر منها مقوّد وفي الصدارة هذي الي قاعدة تكتب لك.. انا.. أمال..
بعيدا عن رمضان والدورة الدموية انتاعك.. بعيدا عن كورونا والدورة الشهرية انتاعي، نفتح
جبهتي بالموس الحافي ونقرا.. كل شي هنا هنا زكارة فالعدميين أولهم انا..

والله والله ما نخسّر النية ايلا كانت صح صافية واحنا مراض نحسوا بالعكس.. احنا قصدي، شي غاشي مقوّد ويسجد جهة المرّيخ ويلبس النهار بالمقلوب. يقولو فالأسطورة: قشّ جديد!

حبيبي القمر، الي ما يلقاكش لداخل فيه ما عندو وين يلقاك.. القصيدة نصّ مراية ونصها يبدا كي تطفا الباطري..
راك مليح؟ هداك هو الصح.. راني فرحانة enfin بنادم مشي منامة!

خويا القمر، كاين فالدنيا شي حوايج ما يهموناش زعما بصح هايلين، شي ناس، قلال فالحق، ماشي ما يكتبوش، ما يقراوش أصلا، بصح نموت بالحشمة كي نلقاهم ضاويين نزيد نتأكد قدّاش راني مظلّمة، قد السّكات الي فالبير، وراسك العزيز، قدّ السّكات الي فالبير!

كي نعرّي جرح مخلوق، زعما راني فايتة ابليس فالفهامه؟! علاش رانا نضّاربو؟ نوح تّنسى فالمتحف، البابور ديالو كلاه السُّوس واحنا مازال نضّاربو.. قابيل وهابيل من بكري مكانش الي يحكم فيهم! شفت الغراب الي حط عليك؟ كان على كتفي، حسب روحو فالبالكو انتاع جارتو البومه.. مشي على كتفها! قولّو يعطيك الطّالع.. أنا في بلاصتك عييت.. من نهار خلق نوح وأنت تضرب في خط الرمل.. وزدت عْديت مرايتي!

حرت حرت من لداخل ومن برّة يا القمر.. ما فهمتش، تقول شي بالهيروغليفية راني نتنفّس، تقول شي نشقّ روحي كما نشقّو رمّانه ونوزّع روحي حبّة حبّة على شحال من مليار قلتلي؟ وزيد ليهم الحشرات، الحشيش، الكلام والنّوّار والرّهابن وبوجغلال..

يا درى يا درى يا سيدي القمر، واش رايك واش تقول؟ نتخاطر معاك على تحويسة في قلبك ايلا ما رماونيش بحجر!

احنا الي كيفنا قلال فالزهر وكي نتفرعنو بغلطة ولا.. تسمع بينا الحضارات البائدة وآلهة العهد الرقمي ونتعاقبوا برعاية الأمم المتحدة.. مفضوحين هكذا من عند ربي، ومن عند ربي مايلين.

يرحم باباك ما تزيدش تضحك هديك الضحكة المسلوخة كي نشوف معاك.. وما تزيدش دّير مكياج الزومبيات.. راني نقلق وتتحتم عليا نتيه بعينيا فالديار والزبالة والقطوطه المدوّدين دايرين عليها..

من عندك يا القمر لتحت رجليا.. الطريق طويلة وقلب الواحد قريب يحبس!




لمعرفة اخر تطورات فيروس كرونا في بلدك وفي العالم كله انقر على هذا الرابط
http://ahewar.org/Corona.asp





كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)

الكاتب-ة لايسمح بالتعليق على هذا الموضوع


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 3,862,890,925
- ضحكة شرّيرة
- وليكن..
- نقطة
- سأم
- مونولوج أحمر
- جدار الليزر
- عاصفة
- 28أيلول
- الوصيَّة ذات القبّعة المزركشة بالمناقير
- أنا أتّهم -نسخة عربية-


المزيد.....




- دعم المقاولات الإعلامية.. الفردوس يلتقي رئيس الجمعية الوطنية ...
- لغزيوي يكتب: تقارير we believe المخدومة !!
- مشروع قانون المالية المعدل على طاولة مجلس المستشارين
- إغلاق جزئي لبعض الاعمال والانشطة الثقافية والترفيهية في طهرا ...
- كاريكاتير -القدس- لليوم الثلاثاء
- في الحجر الصحي.. أغان وموسيقى تراثية عراقية
- الفنانة المصرية هنا الزاهد تعلق على أنباء القبض على المتحرشي ...
- الولايات المتحدة.. العثور على جثة في موقع البحث عن الممثلة ن ...
- صدور رواية -درويش- للكاتب العراقي ماجد الخطيب
- العثماني يحث المواطنين على الالتزام الصارم بالإجراءات الاحتر ...


المزيد.....

- فنّ إرسال المثل في ديوان الإمام الشافعي (ت204ه) / همسة خليفة
- رواية اقطاعية القايد الدانكي / الحسان عشاق
- المسرح الشعبي المغربي الإرهاصات والتأسيس: الحلقة والأشكال ما ... / محمد الرحالي
- الترجمة تقنياتها ودورها في المثاقفة. / محمد الرحالي
- ( قراءات في شعر الفصحى في أسيوط ) من 2007- 2017م ، دراسة نقد ... / ممدوح مكرم
- دراسات فنية في الأدب العربب / عبد الكريم اليافي
- العنفوان / أحمد غريب
- العنفوان / أحمد غريب
- السيرة الذاتية لميساء البشيتي / ميساء البشيتي
- السيرة الذاتية للكاتبة ميساء البشيتي / ميساء البشيتي


المزيد.....
الصفحة الرئيسية - الادب والفن - أمال رقايق - رسالة مزّقها ساعي البريد