إحسان العيد
الحوار المتمدن-العدد: 6434 - 2019 / 12 / 10 - 20:05
المحور:
الادب والفن
شفت الفلم وشفت اخراجه
وشفت البطل المتغطرس
مايرضه ازعاجه
في وطني الضايع بي كلشي
ذاك اليتباهالي ابتاجه
وبالك تتقصّد إحراجه
وشفت انسان ابعنق ازجاجه
محتاج الوطن ومحتاجه
عايش مابين الضغطين
يصرخ ويدوّر اخراجه
لاهو الداخل لاهو الخارج
مسجون ويصعب افراجه
عنده اموال التشري العالم
بس باعوه ابربع الحاجه
قرر يكسر هاي الشيشه
ويشگ البحر ابأمواجه
فلّشها وظل يسبح يسبح
رغم الأمواج المهتاجه
گرّب يلزم جرفه ابإيده
ظل ايبسمل ربّه وناجه
وفعلا جس بيده الحريّه
وكسّر أصنامه وحَجّاجه
بس المشهد
ذاك المشهد
يوميّه الينعاد انتاجه
هوّه الخلّا يعبر خوفه
والخلّا يعلِن افراجه
صوت الطلقه الشگّت صدره
من واحد راكب درّاجه
-
-
والمشهد ينعاد انتاجه
#إحسان_العيد (هاشتاغ)
كيف تدعم-ين الحوار المتمدن واليسار والعلمانية
على الانترنت؟