كامل الركابي
(Kamel Alrikaby)
الحوار المتمدن-العدد: 1558 - 2006 / 5 / 22 - 10:30
المحور:
الادب والفن
غناء
الى هشام: هواجس العشق الجنوبي والهموم الساخنة
غني انت هشام
الله عليك اتغني
طور امحمداوي
ابنار شبيت
(لا صبّحك ياﻋﮔل
ﭽيف ابهوا لليوم ماجنّيت)
ياخذني
حنين ازغار للبيت
غناك
وﺘﮔﻌد اﺒﮔلبي
الجروح البيها غفّيت
ويفرﮔني بدروب المحلة
اسنين
حدر افيايهن حبيت
مملوحه ابملح عشره
وريانة سنابل خضره
ماحنّت عليّ
ابكثر ماحنّيت
ومن ذيج الايام الحلوه
من ذي ذيج المسرّه
الهاي ﮔﻌدتنه
مالوم
ابحر نسيان ظليت
لاتزعل عليّ
ابداعة اعيونك
لو اﮔدر اغني الليله
ﭽﺎ غنّيت !
#كامل_الركابي (هاشتاغ)
Kamel_Alrikaby#
كيف تدعم-ين الحوار المتمدن واليسار والعلمانية
على الانترنت؟