بونجورك

فرج بصلو

الحوار المتمدن-العدد: 6368 - 2019 / 10 / 3 - 12:04
المحور: الادب والفن
    

بونجورك –
برغم السخام اللي ع الشبكة
يللي فيها كل سمكة حاطة فيها برنيطة
عمتنطلها نطة من فوق رأسك
تا يشوفوها ويقشعوا اللهب بطول
لسانها وهبالها...

بونجورك والله بونجورك رغم هيدا الصمت
وهيدي الحيرة اللي بتقطع القلب
وما بعرف إذا بتسمعي أو بتقرأي
أنا عمري مَ بحبب الكذب ولا بدس قلوب
إلا للي بيقنع ضميري
وشو خصني إذا الدنيا مليانة
بناس من دون ضمير
والظبط بدون معرفة غير معرفة "الشوفوني"
"بإيد وحدة دهنت الحيط وغيرت الألوان"
طيب: ما الملونين هنة هيك
وشو دخلي فيون
وشو دخل
الشعر
وإن كانت الشهرة رخيصة
رخص أكوام النفايات ..

إي بونجورك –
حبي اللي بدك تحبي
أكتبي اللي بدك تكتبي
فبينك لبين ربك مافي غيرك
والورقة البيضاء والشعر
والباقي -
إضافات إنفعالية من أحباء الحرف
وانتقاء عشوائي وانتقاد خرائي

بونجورك بونجورك
واللي يعاديكِ
بيضل ماشي
بالظلام
نوري لهم من فضلك

#فرج_بصلو (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات