أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم

الصفحة الرئيسية - الفلسفة ,علم النفس , وعلم الاجتماع - محمود عبد الله - همسة اليوم: -إنت جبت قسوة القلب دي كلها منين؟!-














المزيد.....

همسة اليوم: -إنت جبت قسوة القلب دي كلها منين؟!-


محمود عبد الله

الحوار المتمدن-العدد: 6296 - 2019 / 7 / 20 - 00:17
المحور: الفلسفة ,علم النفس , وعلم الاجتماع
    


همسة اليوم: "إنت جبت قسوة القلب دي كلها منين؟!"

بقلم: د/ محمود محمد سيد عبد الله - أستاذ المناهج وطرق تدريس اللغة الإنجليزية المساعد/المشارك (كلية التربية - جامعة أسيوط - مصر)

قبل ما تسأل واحد (كان) طيب ومقبل على الحياة ومهذب وخدوم وحنون ومحب للناس كلها سؤال زي ده، في الأول اسأل نفسك: قد إيه كان إللي إنت عملته فيه وخلاه بقى كده؟!!
- قد إيه إنت ظلمته وقسيت عليه وكسرت نفسه زماااااان..
- قد إيه آذيت مشاعره ودبحته دبح وكرهته في الدنيا كلها!!
- قد إيه ذليته وحرمته من الحاجة إللي بيحبها - غيرة ونفسنة مش أكتر!!
- قد إيه كنت قاسي عليه في المعاملة وبتسخر منه قدام الناس!!
- قد إيه كرهته في حاجة كان بيحبها- زي الأرض والزرع والفلاحة...إلخ، أو قتلت هواية عنده - زي الشعر والموسيقى والأغاني والتمثيل - والفن عموما؟!!
- قد إيه جرحته وزعلته قدام الناس، فربيت عنده عقدة من أي كبير متسلط!!
- قد إيه كان بيحبكم وشاريكم وإنتم بتنبذوه وتقللوا منه!!
- قد إيه إنت كسرت بخاطره - حتى في عز فرحته!!
- قد إيه بتظلمه وبتظلم نفسك لما بتضغط عليه وتطالبه دلوقتي إنه يهتم بيك ويعاملك كويس، وإنت صنعت حاجز نفسي (خرساني) بينك وبينه بيزيد مع الأيام!!
- قد إيه اتريقت على شكله ولبسه ومظهره وسلوكه والكلية إللي اختارها برغبته (وهو في قمة تفوقه) والمهنة إللي حبها (لإنها مهنة الرسل والأنبياء) واتريقت على أي حاجة حلوة أو كويسة اختارها أو عملها أوحققها..كإن جواك شيء من ناحيته مانعك تعترف إنه بقى أفضل منك في مليون حاجة وما عادش الطفل الصغير (الساذج) بتاع زمان إللي بتدوس عليه أو هتخوفه بكلمتين أو يسمع كلامك وينفذه (من غير مناقشة) حتى لو كان غلط؟!!

ساعات كتير أسأل نفسي:
- ليه إحنا دايما شايفين نفسنا إننا صح علطول الخط - وبنعمل الحواجز ونكبرها دايما مع إللي لينا وتملي ندوس على أقرب الناس؟!
- ليه لما بنحب حد قريب مننا، بنكتم مشاعرنا (ما نقولوش) ونعامله بتحفظ وممكن كمان (من كتر المكابرة والعناد) دايما بنظهرله عكس إللي في قلبنا؟؟!
- ليه نبقى ذوق ومتواضعين (وكيوت) مع كل الناس إللي حوالينا، إلا إللي من لحمنا ودمنا؟!
- ليه نتقل على غيرنا ونطلب منهم يعملوا علشانا حاجات مستحيل كنا هنعملهالهم لو كنا مكانهم (في مواقعهم) ومرينا بنفس ظروفهم؟!
- ليه نكيل بمكيالين ونبرر الغلط (إللي بنعمله) لنفسنا وما نلتمسشي الأعذار لغيرنا؟! ممكن الواحدة مثلا تبقى قادرة وقوية (مفترية)، بس تقول: "حماتي مطلعة عيني" - ولما تمر الأيام والسنين وتطلع عين مرات ابنها، تقول: "مرات ابني قهراني ومورياني الويل"؟!! ليه لما يبقى ابني هو إللي غلطان والغلط راكبه من ساسه لراسه، أطلعله 1000 مبرر وأقول: "ما يقصدش..طيش شباب..ده لسه صغير..ما يعرفش..ما يدركش"...إلخ وأدفع أي حاجة أو أوسط طوب الأرض (وأخالف القانون) علشان أطلعه منها، ولما ابن أخويا يعمل نص ربع إللي عمله ابني، أطلع فيه كل العبر وأتخلى عنه في محنته وأقول: "ده غبي متخلف زي أبوه..ده عيل جرة وبتاع مشاكل..دول أشكال كلاب بأحتقرهم..خليه يتسجن علشان يتربى" - وأرفض أي واسطة للصلح؟! هو إنت مخلوق من طينة تانية مثلا غير باقي خلق الله؟!!..ولا تكونش من سلالة (الأشراف) وإحنا ما نعرفش علشان تتكبر على خلق الله وتحتقرهم بالشكل المتخلف الغبي ده؟! هو ابنك غالي عليك وولاد الناس مش غالية على أهاليها ولا إيه؟! ربنا يشفي..
- ليه نقطع مرة واحدة مع بعض ونعمل حزازيات ونبني سور عالي بيعلى يوم بعد يوم؟؟!
- ليه نطالب الناس إنهم يودونا ويزورونا ويسألوا علينا وإحنا ناسيين عنوان بيتهم أو ما دخلنهوش أصلا ولا مرة؟!
- ليه البعيد يبقى حابك وفخور بيك وطاير بيك في السما وبيعتبر نجاحك نجاح ليه هو (لو كان أستاذك مثلا) ، في حين إن أقرب الناس ليك بينتقدك ويتلكلك على الواحدة ويدور على عيبوبك بإبرة (أو منكاش) وكأنك مجرم (لا توبة له) أو شيطان رجيم ملعون؟!
- ليه دايما (كشعب) نتريق على بعض وما يعجبناش العجب وبنسخر من الناس إللي ما بنحبهاش علشان نصغرهم في عيون الناس؟!
- ليه بنلبس ثوب الوعاظ وكإننا ملائكة (تمشي على الأرض) - في حين إن تصرفاتنا كلها عكس ذلك؟!
- ليه قريبك هو إللي تجيلك منه الضربة (مش من الغريب) وهو إللي يصدق عنك الإشاعات لأ وكمان ينشرها - مع إنه شاهد عيان على إلتزامك وأخلاقك ورحلة كفاحك وقصة نجاحك؟؟!
وليه وليه وليه...مليووووون ليه..وما بتخلص الحكاية!!
خالص تحياتي





كيف تدعم-ين الحوار المتمدن واليسار والعلمانية على الانترنت؟



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 3,554,447,314
- النصائح الذهبية..للفتاة العصرية
- خواطر فيسبوكية: اليقين..
- همسة اليوم: قلوب ذهبية!!
- همسة اليوم: أكمل..يكمل لك الله!!
- همسة اليوم: كم من إبليس بيننا في ثياب البشر!!
- الإسقاط النفسي (المرضي) هو...
- تعليقا على الحلقة الأخيرة من مسلسل -علامة استفهام-: بدأ بعلا ...
- همسات راقية (أذكركم ونفسي):
- خواطر فيسبوكية: عندما تنتحر المشاعر وتموت العلاقات!!
- الجنون هو... الزقمرة (الزمجرة)!
- معلومة تهمك/تصحيح بسيط: دكتور ولا طبيب؟!
- عبير الذكريات!
- لحظة صدق: من أنا؟!
- خواطر شتوية: وماذا بعد يا قلب؟؟
- نكبر.. فتعلمنا الحياة أن...
- همسة شتوية: خواطر وتأملات!
- شكرا ٢٠١٨..فقد علمتيني أن:
- خواطر شتوية: النسبية - -أنا- يتوقف على -أنت-!!
- -يا حمام-..محمد منير: تحياتي لمن غزل الحلم المصري بكلماته وأ ...
- التمسوا الخير في القلوب.. ولا تتشددوا!


المزيد.....




- حقوقيون: الحبس 15 يوما للناشطة المصرية إسراء عبد الفتاح في ا ...
- السيسي حول أزمة سد النهضة: مصر -كشفت ظهرها وعرت كتفها في 201 ...
- اليابان: حصيلة ضحايا إعصار هاغيبيس العنيف ترتفع إلى 35 قتيلا ...
- احتفالات في العاصمة التونسية ومدن أخرى إثر فوز قيس سعيّد برئ ...
- باسيل يعلن عن زيارة مرتقبة له إلى دمشق
- أهالي القامشلي يحتفلون بانتشار القوات السورية
- المستثمرون الروس متحمسون للاكتتاب في -أرامكو-
- السعودية تسمح بمنح تأشيرات السياحة لحاملي تأشيرات أمريكا وبر ...
- ارتدى سترة واقية من الرصاص.. ترودو يتابع حملته الانتخابية عق ...
- الاحتلال يعتقل محافظ القدس وقيادييْن في فتح


المزيد.....

- العمل والملكية.. في التوازن التاريخي للديموقراطية الاجتماعية / مجدى عبد الهادى
- امرسون وإعادة بناء البراغماتية / عمر إحسان قنديل
- الرسائل الرمزية الصامتة في المدرسة: الوظيفة الاستلابية للمنه ... / علي أسعد وطفة
- الهيبة قوة عملية أيضاً / عبدالحميد برتو
- بصمات الأرواح / طارق أحمد حسن
- البيان الفلسفي الفدرالي / حفيظ بودى
- العود الأبدي ديانة مشركة وميتافيزيقا مادية ؟بعض التساؤلات حو ... / الحسن علاج
- التربية والمجتمع / إميل دوركهايم - ترجمة علي أسعد وطفة
- العلاج بالفلسفة / مصطفي النشار
- مجلة الحرية العدد 3 / محمد الهلالي وآخرون


المزيد.....
الصفحة الرئيسية - الفلسفة ,علم النفس , وعلم الاجتماع - محمود عبد الله - همسة اليوم: -إنت جبت قسوة القلب دي كلها منين؟!-