أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم

الصفحة الرئيسية - الادب والفن - سمير عبد الباقى - رد السيد الأراجوز على بيان السيد العجوز من ‎شمروخ الأراجوز العدد العاشر شكشة شعرية غير دورية بالفصحى وبالعاميه














المزيد.....

رد السيد الأراجوز على بيان السيد العجوز من ‎شمروخ الأراجوز العدد العاشر شكشة شعرية غير دورية بالفصحى وبالعاميه


سمير عبد الباقى

الحوار المتمدن-العدد: 6282 - 2019 / 7 / 6 - 10:24
المحور: الادب والفن
    


سايق عليك الوطن
رد السيد الأراجوز على بيان السيد العجوز
معالى سيادة رئيس الوزر
مؤكد سيادتك أتاك الخبر
بان ابن آدم مشى ع القمر
وصنع مراكب خشب م الشجر
----------
طلع فوق جبال غطس فى بحور
وطار فى الفضا كالطيور النسور
وأمر المكن بالإشارة يدور
وبالعلم ع الصحرا نزل مطر
----------
اكيد انت شفت وسمعت وقريت
ولفيت ورحت وصاحبت ورأيت
وإلا دى كارثة إذا كنت جيت
على اكتافنا ربعت صدفه قدر
------------
لذا اسمح لى افضفض لحضرة سيادتك
ولو فيه تعدى على غالى وقتك
انا مصرى برضه وعهده ف رقبتك
دقيقتك معايا جميل معتبر
ومش رايح اقلب فرحكو مناحة
وعشمى ح تقبل كلامة بسماحة
على قد ما فى الزمن من قباحة
وإلا راح اخرس وأصرف نظر
----------
بإخلاص وعيت للى قلته فكلامك
فخمنت دوغرى السبب فى ابتسامك
يا إما .. لا شايف وراك من أمامك
إما انت فاكرنا عالم بقر
----------
بتوصف اسس اقتصادنا المنعية
وحكمة إدارتك فى صرف الوديعة
بأسلوب فخيم للخديعة الرفيعة
يخلينى اتمنى حكم التتر
-----------
وتحلف بإن احنا آخر حلاوة
وقاعدين بفضل الرخا فى الطراوة
ما فيش حاجة إلا شوية غباوة
بتغرى لصوص الفلوس بالسفر
-----------
ثقافة قطيفة بمايوه شفتشى
كفاية وزيرها اللى ما بيترشى
واعلام لولاه الشرف كان مشى
وفاتنا فريسة لدبى وقطر
------------
وشهدت جميع الدول لاقتصادنا
وداخلين وخارجين سياحة بلدنا
جيوش من الطافة توعى ولادنا
يحبوا السلامة فتصبح عبر
--------------
وإيه يعنى حبه فساد أو بطالة
ما طولعمرنا خلق عايشين عواله
وطول عمرها فى الشوارع زبالة
عادتنا اما نشبع بنرمى بطر
------------
وساعات بننسى احنا مين كنا فين
ومن غير معونة بنشحت منين
مؤكد باقى لنا يا دوب رمش عين
وتبقى الحقيقة شبه للصور
---------------
وأكبر دليل أنه صار الرغيف
ملقح ولا الرز فوق الرصيف
على مد إيد الفقير الظريف
اللى ياكل ويشبع وتلقاه نكر
-------------
جميع اللى زيى وسمع راح مسقف
لقيتنى اللى ح اطلع حمار مش مثقف
لذا قلت لازم ضرورى واظرف
اقولها زجل تبقى وجهة نظر
--------------
سيادة كبير الوزارة ورئيسها
بلدنا ماهيش بايرة وانت عريسها
دى مصر اللى أصل الحضارة وأساسها
ومن بدرى فجر الضمير للبشر
---------------
ومش رايح احاسبك عل اللى انت قلته
لأنى يا دوبك مواطن سكرتو
ولا فارقه عندك قبلته رفضته
لأنه ما فيش فايدة فى اللى انكسر
---------------
واحنا بفضل سياساتكو انكسرنا
مرايتك ما بتشوفش باهت صورنا
سواقى همومنا بتنعى مسارنا
معاكوا فتقرنا وروحنا انقهر
--------------
فى قبضة شاويشكو المواطن قفا
سواء ان قعد والا غار واختفى
إذا شاف فى صبحه دقيقه صفا
على المغربية يلمع اكر
----------
ورم عليه ضاق عليه المقاس
وفاضل شوية يبيع اللباس
لولاه ماتش كوره يهده حماس
لكان فخه زى البالونه انفجر
-----------
ولو مرة بقيت فى جيبه فلوس
يبوس إده شكرا للحسة غموس
وإذا مراته رحمته تهده الدروس
ونام صاحى حلمه نسيره ظفر
----------
دى مش صورة بارسمها لجل انت تضحك
ما ليش فى موالد دعاية فضايحك
ولا عايز اكشف مصايب تضايحك
صحيح كنت ناوى وربك ستر
-----------
ومش رايح اقولك أمريكا وأوروبا
ولاليه عدانا بقوا ليك احبه
ولافين منابى فى سهلة وصعبة
ولا مين شفطها بهاريز هبر
-----------
انا أصلى تبت وشفيت م القراية
رضاء ربنا وستره غاية مناي
اونفسى توضح لى أغرب حكاية
هريتونا بيها أغانى وصور
-----------
فلقتونا قلتوا الحروب انتهت
وح نعيش على اللحم خالى الشغت
وكافة فلوس الحروب العبط
ح تشتى على دماغنا زى المطر
------------
وصدقتكم قلت افرح واهلس
وسامحت اللى قرقشنا لب وملبس
لقيتك راكبنى وقاعد تميس
بتقنعنى ان الهوان للعتر
-----------
وصدقت تانى مؤجل كرامتى
كفاية المعاهدة اللى رافعة لى هامتى
لقيت العدو بيك مجهز جنازتى
وشفتك بتقرا فصار السور
-----------
وفارسنى بعد السنين الطويلة
بتهرسنى تانى وتعدمنى حيلة
وتشبع تحلى بأحزاب قتيله
غاظتنى ابتسامتك ابويا شخر
-----------
ومن قبرة قال لىالكبير ياد كبير
اكيد مخه موزون واحنا الحمير
دافية تحت إيده ولا ميت وزير
أساتذه فى قراية الرمال والأتر
----------
ولازم لابد ان عاملين حسابهم
على طرد إبليس ولو كان راكبهم
دى عينهم ملانة وواخدين نصيبهم
ودارسين وعارفين حدود الخطر
----------
.معاهم إرادتنا حره متينة
وأبواب بلدنا مؤكد حصينة
دليل ان بقضوا الإجازة ف مارينا
وفى سينا زارعين فراولة وجزر
----------
فعفوا يا أكبر دماغ فى الوزارة
سؤالىعن الفهلوة والشطارة
وهل بكره يلقوا عيلاى البصارة؟
وإيها لدليل إنى لسه بشر؟
-----------
باحس إنى عجلة فى دكان جزارة
وواحد دابحنى لحساب التجارة
وقاعد بيحسبنى ربح وخسارة
وانا ضفر طفلة فى إيدها حجر!





كيف تدعم-ين الحوار المتمدن واليسار والعلمانية على الانترنت؟



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 3,645,695,289





- مصر.. البرلمان يعلق على ملابس الفنانات المعريّة في المهرجانا ...
- مائدة مستديرة بمجلس المستشارين لمكافحة العنف ضد النساء
- مصر تودّع سمير سيف مخرج -آخر الرجال المحترمين-.. ونجوم السين ...
- -غوغل- يحتفل بإحدى أساطير الغناء العراقي
- رسالة وزير الثقافة الايراني الى مهرجان سينما الحقيقة الـ13
- عالم الكتب: -مسرى الغرانيق- والرواية السعودية
- غوغل يحتفي بيوم ميلاد الفنانة العراقية عفيفة اسكندر
- الوديع يخرج عن وداعته ويكتب: في الفرق ما بين التربية و-الترا ...
- 1500 أغنية وشاركت بفيلم لعبد الوهاب.. غوغل يحتفي بالمطربة ال ...
- غينيس توضح حقيقة تتويج حسني بلقب -الفنان الأكثر تأثيرا وإلها ...


المزيد.....

- الفصول الأربعة / صلاح الدين محسن
- عرائش الياسمين / ليندا احمد سليمان
- ديوان الشيطان الصوفي / السعيد عبدالغني
- ديوان الذى حوى / السعيد عبدالغني
- مناجاة الاقلام / نجوة علي حسيني
- المراسيم الملكية إعلان الاستقلال البيان الملكي / أفنان القاسم
- في الأرض المسرة / آرام كربيت
- الخطاب الأيديولوجي في رواية سيرة بني بلوط / رياض كامل
- كيفما كنا فنحن ألوف المشاكل... / محمد الحنفي
- ديوان وجدانيات الكفر / السعيد عبدالغني


المزيد.....
الصفحة الرئيسية - الادب والفن - سمير عبد الباقى - رد السيد الأراجوز على بيان السيد العجوز من ‎شمروخ الأراجوز العدد العاشر شكشة شعرية غير دورية بالفصحى وبالعاميه