أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم

الصفحة الرئيسية - الادب والفن - حسون رياض - حجل فصلية - للشاعر ناصر البدري














المزيد.....

حجل فصلية - للشاعر ناصر البدري


حسون رياض

الحوار المتمدن-العدد: 6241 - 2019 / 5 / 26 - 21:36
المحور: الادب والفن
    


نشف شط الگصص
وأنشطب رب الهم
ولا عثرة هـوه تحرك زراگ الدم

أحس روحي . .
ضوه مصلوب . .
شما جاسته زلوف الريح
يتكسر بحضن الماي

وبهداي أحترگ بهداي
گضه عمره الشمع من يحترگ سكته

وين الگه اليهيسني
درفعني الحزن حد ماصرت كاروك

وصواني الحيف . .
تتبده بتجاعيدي . .
من تلچمني المرايات

خذتـني الحسبه لآخر نجمه بــ تاريخ

وصوتي
يكسر المحراب ،،

جا يمته الـذمم تنجاس
ساعه الكاس بيه يـدير
وساعه أنـدار فوك الكاس

وتوبن ليش ..
مهي التوبـه
عروس الكيف
مو فصليه للقران

أنه أنسان ..
شايل من زليخه هواي
لچن مامش صنم يسوه

عساها بكل وحي
ماقدس المعبد ،،

سبحانك
يفيض الغوث ،،

شنو ذنبه ويطيح الغيم
من يطوطح الدخان

وشنو ذنبي ؟
عايشلي بحلم تايه
لا لاگيلي عين تنـام
ولا لاگي اليفسرني

واضحك . .
من تگلي الناس هنيالك

هـنيالي عليمن
عـلـ حزن عـلـ غربـه هـنيالي

بـنادم . .
ضال طـرگ الطـين

لـو عندي
بخت ممـلوح
چـا طحت بـوجه موسى
روج الشيب واصـل كسرة الـحاجب

وكـل تابوت . .
يخـزرني خزر عاهـر
لـو مشطت عشريـني

ومدري أشـچم كمر ماشيت
ولا واحد تـرس عيني

أشوف الناس . .
تتبـده شليل أوجـوه
من يثـگل حجي الغربيل

وعفيـه أوجـوه . .
تغـفه بـنية أسليمان
وتغـني بحلم بلقـيس

چا عدمن أضم روحي
الـيضم حلمه بـحضن فانوس
ينباگ بشبر هندس

ولو أدري . .
بـعيوني أتـوب
چا ماصـلي للـقمصان

بس مجبور . .
السچـه التنـثلم تكسر ضهر لــ ريل

شـينفع حضن الـولايات
الـماعنده عرف بلــ آخ
وكت اليل ويـن يبـات

تعبت هواي . .

رسايلـهم ملح صبخـه
وأنـه بـكل مطر ساعي

وهـذا أنـه . .

من فزن نثـايـه اليل
شـلت حـرزي
نـوبات الرسالـه أتصيـر علـويـه

عزيز النخل وكت العـوز
يـحلفـون بــ تراچيـه

بـيش أنـعاك . .
ياتفاح كـل جبريل

أوين الـگاك . .
ياسلطان كل گمره

ويــ الـحضنك دفو السبعين
تعال وخـل ترد روحي
وخـل نـختمر طين بــ طين

وحـگ الـيوجعني . .
بـكل هـلا متانيـك . .

أنـه بدونـك
مضيف أذنـوب
وجـواز السفر لــ توبـه تـتن يلـهث
طاح بشفـة المنـهوب

أنـه بدونـك . .
حجل فصليـه !
زفوهـا أعله كـل داود

وتـانيتـك . .

تـانيتـك خرايب وهـگ بيـها الخوف

وأنتـه ولا ضعن منـك

شـبشرنـك . .
يخفگـني السبي شراعـين

لو مرن هـوادج شايـلات أسمك

وشهـگك شهگـة الـمروح . .
من تـگرم ضلوعـه الگاع . .

شمـالك ياعطيت الله
چم يعـگوب شگـگني
ولا مـريت
ولا چنـك بـزر حضني

ربـيتك غصن مبيـوع لــ دخان
چي شافـوك محراب الـعصافيري

ماتلـگه وطن مثـلي
تعال وسافر بروحي
أنـه وياك واحد وطن لــ ثاني . .

ناصر البدري
حجل فصلية -





كيف تدعم-ين الحوار المتمدن واليسار والعلمانية على الانترنت؟



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 3,420,656,495





- احتفالية خاصة بالعدد الجديد الصادر من كتاب -المرايا-
- هذه أبرز مضامين القانون الإطار للتربية والتكوين
- الممثل الدولي الخاص إلى ليبيا يبحث مع وزير الخارجية الإمارات ...
- بالفيديو.. بيت السناري بالقاهرة تاريخ ينبض بالحياة
- -مجلس العدل-.. مسرحية ببرلين تحاكي فساد القضاء في بلدان عربي ...
- جمعية أجذير إيزوران للثقافة الأمازيغية تستعد لتنظيم النسخة ...
- عودة التصعيد بين الجزيرتين الصغيرتين في الخليج البحرين وقطر: ...
- شاهد: النيران تلتهم غابة في كرواتيا بالقرب من موقع مهرجان لل ...
- روسيا تنتقد قانون اللغة الجديد في أوكرانيا وتقدم اقتراحا بهذ ...
- شاهد: النيران تلتهم غابة في كرواتيا بالقرب من موقع مهرجان لل ...


المزيد.....

- سيكولوجيا فنون الأداء / كلين ولسون
- المسرح في بريطانيا / رياض عصمت
- الدادائية والسريالية - مقدمة قصيرة جدًا / ديفيد هوبكنز
- هواجس عادية عن يناير غير عادى سمير عبد الباقى / سمير عبد الباقى
- نشيد الاناشيد المصرى سمير عبد الباقى / سمير عبد الباقى
- متر الوطن بكام ؟ سمير عبد الباقى / سمير عبد الباقى
- كرباج ورا سمير عبد الباقى / سمير عبد الباقى
- كتاب الشعر سمير عبد الباقى / سمير عبد الباقى
- كتاب الشعر 1 سمير عبد الباقى / سمير عبد الباقى
- كانت وعاشت مصر سمير عبد الباقى / سمير عبد الباقى


المزيد.....
الصفحة الرئيسية - الادب والفن - حسون رياض - حجل فصلية - للشاعر ناصر البدري