أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم

الصفحة الرئيسية - الادب والفن - حسون رياض - حجل فصلية - للشاعر ناصر البدري














المزيد.....

حجل فصلية - للشاعر ناصر البدري


حسون رياض

الحوار المتمدن-العدد: 6241 - 2019 / 5 / 26 - 21:36
المحور: الادب والفن
    


نشف شط الگصص
وأنشطب رب الهم
ولا عثرة هـوه تحرك زراگ الدم

أحس روحي . .
ضوه مصلوب . .
شما جاسته زلوف الريح
يتكسر بحضن الماي

وبهداي أحترگ بهداي
گضه عمره الشمع من يحترگ سكته

وين الگه اليهيسني
درفعني الحزن حد ماصرت كاروك

وصواني الحيف . .
تتبده بتجاعيدي . .
من تلچمني المرايات

خذتـني الحسبه لآخر نجمه بــ تاريخ

وصوتي
يكسر المحراب ،،

جا يمته الـذمم تنجاس
ساعه الكاس بيه يـدير
وساعه أنـدار فوك الكاس

وتوبن ليش ..
مهي التوبـه
عروس الكيف
مو فصليه للقران

أنه أنسان ..
شايل من زليخه هواي
لچن مامش صنم يسوه

عساها بكل وحي
ماقدس المعبد ،،

سبحانك
يفيض الغوث ،،

شنو ذنبه ويطيح الغيم
من يطوطح الدخان

وشنو ذنبي ؟
عايشلي بحلم تايه
لا لاگيلي عين تنـام
ولا لاگي اليفسرني

واضحك . .
من تگلي الناس هنيالك

هـنيالي عليمن
عـلـ حزن عـلـ غربـه هـنيالي

بـنادم . .
ضال طـرگ الطـين

لـو عندي
بخت ممـلوح
چـا طحت بـوجه موسى
روج الشيب واصـل كسرة الـحاجب

وكـل تابوت . .
يخـزرني خزر عاهـر
لـو مشطت عشريـني

ومدري أشـچم كمر ماشيت
ولا واحد تـرس عيني

أشوف الناس . .
تتبـده شليل أوجـوه
من يثـگل حجي الغربيل

وعفيـه أوجـوه . .
تغـفه بـنية أسليمان
وتغـني بحلم بلقـيس

چا عدمن أضم روحي
الـيضم حلمه بـحضن فانوس
ينباگ بشبر هندس

ولو أدري . .
بـعيوني أتـوب
چا ماصـلي للـقمصان

بس مجبور . .
السچـه التنـثلم تكسر ضهر لــ ريل

شـينفع حضن الـولايات
الـماعنده عرف بلــ آخ
وكت اليل ويـن يبـات

تعبت هواي . .

رسايلـهم ملح صبخـه
وأنـه بـكل مطر ساعي

وهـذا أنـه . .

من فزن نثـايـه اليل
شـلت حـرزي
نـوبات الرسالـه أتصيـر علـويـه

عزيز النخل وكت العـوز
يـحلفـون بــ تراچيـه

بـيش أنـعاك . .
ياتفاح كـل جبريل

أوين الـگاك . .
ياسلطان كل گمره

ويــ الـحضنك دفو السبعين
تعال وخـل ترد روحي
وخـل نـختمر طين بــ طين

وحـگ الـيوجعني . .
بـكل هـلا متانيـك . .

أنـه بدونـك
مضيف أذنـوب
وجـواز السفر لــ توبـه تـتن يلـهث
طاح بشفـة المنـهوب

أنـه بدونـك . .
حجل فصليـه !
زفوهـا أعله كـل داود

وتـانيتـك . .

تـانيتـك خرايب وهـگ بيـها الخوف

وأنتـه ولا ضعن منـك

شـبشرنـك . .
يخفگـني السبي شراعـين

لو مرن هـوادج شايـلات أسمك

وشهـگك شهگـة الـمروح . .
من تـگرم ضلوعـه الگاع . .

شمـالك ياعطيت الله
چم يعـگوب شگـگني
ولا مـريت
ولا چنـك بـزر حضني

ربـيتك غصن مبيـوع لــ دخان
چي شافـوك محراب الـعصافيري

ماتلـگه وطن مثـلي
تعال وسافر بروحي
أنـه وياك واحد وطن لــ ثاني . .

ناصر البدري
حجل فصلية -





كيف تدعم-ين الحوار المتمدن واليسار والعلمانية على الانترنت؟



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 3,569,846,732





- -درس القرآن- لعثمان حمدي بك تُباع في لندن بأكثر من 4.5 مليون ...
- فنانون لبنانيون يخاطبون الجيش
- رئيس الحكومة يبحث مع وزير الفلاحة الروسي تطوير العلاقات بين ...
- تحفة معمارية فريدة لأمر ما لم تعجب القيصرة يكاتيرينا الثانية ...
- وفاة الفنان الشعبي محمد اللوز أحد مؤسسي فرقة -تاكادة-
- العثماني بمجلس النواب لمناقشة مناخ الاستثمار وولوحات السياسة ...
- لافروف: حلمت بتعلم اللغة العربية
- الموت يفجع الفنان ادريس الروخ
- مظاهرات لبنان تعيد الحياة للـ -التياترو الكبير- الذي غنت أم ...
- تحفظ عليها سقراط وأربكت كانت وهيغل.. هل خدر الفلاسفة الثورات ...


المزيد.....

- عالم محمد علي طه / رياض كامل
- دروس خصوصية / حكمت الحاج
- التخيل اللاهوتي ... قراءة مجاورة / في( الخيال السياسي للإسلا ... / مقداد مسعود
- شعر الغاوتشو:رعاة البقر الأرجنتينيين / محمد نجيب السعد
- ديوان " الملكوت " _ السعيد عبدالغني / السعيد عبدالغني
- ديوان " المنبوذ الأكبر " _ السعيد عبدالغني / السعيد عبدالغني
- شعر /مشاء / مصطفى الهود
- مريم عارية - رواية سافرة تكشف المستور / حسن ميّ النوراني
- مختارت من شعرِ جياكومو ليوباردي- ترجمة الشاعر عمرو العماد / عمرو العماد
- الأحد الأول / مقداد مسعود


المزيد.....
الصفحة الرئيسية - الادب والفن - حسون رياض - حجل فصلية - للشاعر ناصر البدري